Painnay suttai Part 1

SR No.: 001044
Original Sutra Author: N/A
Author: Punyavijay, Amrutlal Bhojak
Publisher: Mahavir Jain Vidyalay
Publication Year: 1984
Total Pages: 689
Language: Prakrit
Classification: Book_Devnagari, Agam, Canon, Ethics, agam_chatusharan, agam_aaturpratyakhyan, agam_mahapratyakhyan, agam_bhaktaparigna, agam_tandulvaicharik, agam_sanstarak, agam_gacchachar, & agam_chandra
File Size: 11 MB

Page 382

८. इसि भासियाई
१८८६. जे लुब्भंति कामेसु तिविहं हवति तुच्छ से । अज्झोववण्णा कामेसु बहवे जीवा किलिस्संति ॥ ३ ॥ १८८७. सलं कामा विसं कामा कामा आसीविसोवमा । बहुसाधारणा कामा कामा संसारवडणा ॥ ४ ॥ १८८८. पत्थंति भावओ कामे जे जीवा मोहमोहिया । दुग्गमे भयसंसारे ते धुवं दुक्खभागिणो ॥ ५ ॥ १८८९. काम सल्लमणुद्धित्ता जंतवो काममुच्छिया । जरा - मरणकंतारे परियंत्तंतवुक्कमं ॥ ६ ॥ १८९०. सदेवमाणुसा कामा मए पत्ता सहस्ससो ।
नाहं कामभोगे तित्तपुव्वो कयाइ वि ॥ ७ ॥ १८९१. तित्तिं कामेसु णासज्ज पत्तपुव्वं अनंतसो ।
दुक्खं बहुविहाकारं कक्कसं परमासुभं ॥ ८ ॥ १८९२. कामाण मग्गणं दुक्खं तित्ती कामेसु दुल्लभा ।
"पिज्जुज्जोगो परं दुक्खं, तण्हक्खय परं सुहं ॥ ९॥ १८९३. कामभोगाभिभूतप्पा वित्थिण्णा वि णराहिवा ।
फीतिं खितिं इमं भोच्चा दोग्गतिं विवसा गता ॥ १० ॥ १८९४. काममोहितचित्तेणं विहाराहारकंखिणा ।
दुग्गमे भयसंसारे परीतं केसभागिणा ॥ ११ ॥ १८९५. अँप्पक्कतावराहोऽयं जीवाणं भवसागरो ।
सेओ जरग्गवाणं वा अवसाणम्मि दुर्त्तरो ॥ १२॥
१८९६. अप्पक्कतावराहेहिं जीवा पावंति वेदणं ।
अप्पक्कतेहिं सलेहिं सल्लकारी व वेदणं ॥ १३ ॥
१. किलीसंति पु० शुपा० ॥ २. 'यत्तंति वक्कमं शुपा० । 'यत्तंति वक्कवं पु० ॥ ३. तेसिं पु० शुपा० । ततिं शुपा० ॥ ४. 'हाहारं पु० ॥ ५. विज्जुज्जोतो परं पु० शुपा० ॥ ६. फीतं शुपा० । फीतिं कित्ति इमं शु० ॥ ७ अप्पत्ताव' पु० शुपा० ॥ ८. दुरुत्तरो पु० ॥ ९. भव' पु० ॥
प. १५
२२५
१५
२०