________________
२१७
८. इसिभासियाई १८२९. कम्मभावेऽणुवत्तंती दीसंती य तधा तधा ।
देहिणं पकती चेव लीणा वत्तेयऽनिचता ॥१८॥ १८३०. जं कडं देहिणं जेणं णाणावण्णं सुहासुहं ।
णाणावत्थंतरोवेतं सव्वमण्णेति तं तहा ॥१९॥ १८३१. कंती जा वा वयोवत्था जुजते जेण कम्मुणा ।
णिव्वैत्ती तारिसी तीसे वायाए व पडिंसुका ॥२०॥ १८३२. ताहं कडोदयुब्भूया नाणागोयविकप्पिया ।
भंगोदयऽणुवत्तंते संसारे सव्वदेहिणं ॥२१॥
[सु. २२-२८. वित्थरओ कम्मसरूवपरूवणं] १८३३. कम्म(? कंद)मूला जहा वल्ली, वल्लीमूलं जहा फलं ।
मोहमूलं तहा कम्म, कम्ममूला अणिच्चया ॥२२॥ १८३४. बज्झते बुज्झए चेव हेउजुत्तं सुभासुभं ।
कंदसंदाणसंबद्धं वल्लीणं व फलाफलं ॥२३॥ १८३५. छिण्णादाणं सयं कम्मं भुज्जए, तं न वजए ।
छिन्नमूलं व वल्लीणं पुव्वुप्पण्णं फलाफलं ॥२४॥ १८३६. छिन्नमूला जहा वल्ली, सुक्कमूलो जहा दुमो ।
नट्ठमोहं तहा कम्मं, सिण्णं वा हयणायकं ॥ २५॥ १८३७. अप्पारोही जहा बीयं, धूमहीणो जहाऽनलो।
छिन्नमूलं तहा कम्मं, नट्ठसण्णो व देसओ॥ २६॥ १८३८. जुज्जए कम्मुणा जेणं वेसं धारेइ तारिसं ।
वित्त-कंतिसमत्थो वा रंगमज्झे जहा नडो॥ २७॥ १८३९. संसारसंतई चित्ता देहिणं विविहोदया।
सव्वोदुया लया चेव सव्वपुप्फ-फलोदया ॥ २८॥
१. पकति शु० ॥ २. जुंजते पु०॥ ३. णिव्वती पु०॥ ४. °यधिक पु० शुपा०॥ ५. बुज्झए बु' शु०॥ ६. अपरो पु० । अपारो° शुपा० ॥ ७. “सर्वर्तुका लतेव" इत्यर्थः। सब्वे दुमालया शु० अवचूर्यो च॥
Jain Education International
For Private & Personal Use Only
www.jainelibrary.org
