Painnay suttai Part 1

SR No.: 001044
Original Sutra Author: N/A
Author: Punyavijay, Amrutlal Bhojak
Publisher: Mahavir Jain Vidyalay
Publication Year: 1984
Total Pages: 689
Language: Prakrit
Classification: Book_Devnagari, Agam, Canon, Ethics, agam_chatusharan, agam_aaturpratyakhyan, agam_mahapratyakhyan, agam_bhaktaparigna, agam_tandulvaicharik, agam_sanstarak, agam_gacchachar, & agam_chandra
File Size: 11 MB

Page 352

१९५
८. इलिभासियाई १६८३. वन्हिमारुयसंयोगा जहा हेमं विसुज्झती।
सम्मत्त-नाणसंजुत्ते तहा पावं विसुज्झती ॥ २७॥ १६८४. जहा आतवसंतत्तं वत्थं सुज्झइ वारिणा ।
सम्मत्तसंजुतो अप्पा, तहा झाणेण सुज्झती ॥२८॥ १६८५. कंचणस्स जहा धाऊजोगेणं मुच्चए मलं ।
अणाईए वि संताणे तवाओ कम्मसंकरं ॥२९॥ १६८६. वत्थादिएसु सुज्झेसु संताणे गहणे तहा ।
'दिद्वंतं देसधम्मित्तं, सम्ममेयं विभावए ॥३०॥ १६८७. आवजती समुग्धातो जोगाणं च निरंभणं ।
अनियेट्टीए व सेलेसी, सिद्धी कम्मक्खओ तहा ॥३१॥ १६८८. णावा व वारिमज्झम्मि खीणलेवो अणाउलो।
रोगी वा रोगणिम्मुक्को सिद्धो भवति णीरओ ॥३२॥ १६८९. पुव्वजोगा असंगत्ता, काओ वाया मणो इ वा ।
एंगतो आगती चेव कम्माभावा ण विज्जती ॥३३॥ १६९०. परं गवग्गहाभावा सुही आवरणक्खया ।
अत्थिलक्खणसब्भावा निच्चो सो परमो ध्रुवं ॥३४॥ १६९१. दव्वतो खित्ततो चेव कालतो भावतो तहा।
णिचाणिचं तु विण्णेयं संसारे सव्वदेहिणं ॥३५॥ १६९२. गंभीरं सव्वओभदं सव्वभावविभावणं ।
धण्णा जिणाहितं मग्गं सम्मं वेदेति भावओ ॥३६॥ एवं से सिद्ध बुद्ध विरए विपावे दंते दविए अलंताई णो पुणरवि इञ्चत्यं हव्वमागच्छइ ति बेमि॥
॥इइ नवमं महाकासवज्झयणं ॥९॥
१. दिट्ट से दे° शुपा०। दिटुंते देसधम्मत्तं पु०॥ २. °यट्टी एव शु०॥ ३. एकतो शुपा०॥ ४. गावग्ग पु०॥ ५. बुद्धे...णो पुणरवि इश्वत्थं हवमागच्छति त्ति बेमि ॥ शु०। बुद्ध. ॥९॥ पु०॥