Painnay suttai Part 1

SR No.: 001044
Original Sutra Author: N/A
Author: Punyavijay, Amrutlal Bhojak
Publisher: Mahavir Jain Vidyalay
Publication Year: 1984
Total Pages: 689
Language: Prakrit
Classification: Book_Devnagari, Agam, Canon, Ethics, agam_chatusharan, agam_aaturpratyakhyan, agam_mahapratyakhyan, agam_bhaktaparigna, agam_tandulvaicharik, agam_sanstarak, agam_gacchachar, & agam_chandra
File Size: 11 MB

Page 322

१६५
१६५
७. महापश्चक्खाणपइण्णयं [गा. ९-११. ममत्तछेयणं आयधम्मसरूवं च] १४४९. उवही सरीरगं चेव आहारं च चउन्विहं ।
ममतं सव्वदव्वेसु परिजाणामि केवलं ॥९॥ १४५०. ममत्तं परिजाणामि निम्ममत्ते उवडिओ।
आलंबणं च मे आया अवसेसं च वोसिरे ॥१०॥ १४५१. आया मज्झं नाणे आया मे दंसणे चरित्ते य ।
आया पञ्चक्खाणे आया मे संजमे जोगे ॥११॥
[गा. १२. मूलुत्तरगुणाराहणापुव्वं निंदणाइपरूवणं] १४५२. मूलगुणे उत्तरगुणे जे मे नाऽऽराहिया पमाएणं ।
ते सव्वे निंदामि पडिक्कमे आगमिस्साणं ॥१२॥
[गा. १३-१६. एगत्तभाषणा] १४५३. एको हं नस्थि मे कोई, न चाहमवि कस्सई ।
एवं अदीणमणसो अप्पाणमणुसासए ॥१३॥ १४५४. एक्को उप्पन्नए जीवो, एक्को चेव विवजई ।
एक्कस्स होइ मरणं एक्को सिज्झइ नीरओ ॥१४॥ १४५५. एक्को करेइ कम्मं, फलमवि तस्सेको समणुहवइ ।
एको जायइ मरइ य, परलोयं एक्कओ जाइ ॥१५॥ १४५६. एको मे सासओ अप्पा नाण-दंसर्णलक्खणो ।
सेसा मे बाहिरा भावा सव्वे संजोगलक्खणा ॥१६॥
[गा. १७. संजोगसंबंधवोसिरणा] १४५७. संजोगमूला जीवेणं पत्ता दुक्खपरंपरा ।
तम्हा संजोगसंबंधं सव्वं तिविहेण वोसिरे ॥१७॥
१. °णसंजुभो। पु० सा०॥