Painnay suttai Part 1

SR No.: 001044
Original Sutra Author: N/A
Author: Punyavijay, Amrutlal Bhojak
Publisher: Mahavir Jain Vidyalay
Publication Year: 1984
Total Pages: 689
Language: Prakrit
Classification: Book_Devnagari, Agam, Canon, Ethics, agam_chatusharan, agam_aaturpratyakhyan, agam_mahapratyakhyan, agam_bhaktaparigna, agam_tandulvaicharik, agam_sanstarak, agam_gacchachar, & agam_chandra
File Size: 11 MB

Page 298

५. मरणविभत्तिपइण्णयं १२००. ते तं तवोकिलंतं वीसामेऊण विणयपुव्वागं ।
उवलद्धपुण्ण-पावा फासुयसुमहं करेसी य ॥ ४५१॥ १२०१. सुगहियसावगधम्मा जिणमहिमाणेसु जणियसोहग्गा ।
जसहरमुणिणो पासे निक्खंता तिव्वसंवेगा ॥ ४५२ ।। १२०२. सुगहियजिणवयणामयपरिपुट्ठा सीलसुरहिगंधड्ढा ।
विहरिय गुरुस्सगासे जिणवरवसुपुज्जतित्थम्मि ॥ ४५३॥ १२०३. कणगावलि-मुत्तावलि-रयणावलि-सीहकीलियकिलंता ।
काही य ससंवेगा आयंबिलवड्ढमाणं च ॥ ४५४ ॥ १२०४. आसरिया य मणोहरसिहरंतरसंचरंतपुक्खरयं ।
आइकरचलणपंकयसिरसेवियमालहिमवंतं ॥ ४५५ ॥ १२०५. रमणिजहरय-तरुवर-परहुअ-सिहि-भमरमहुयरिविलोले ।
अमरगिरिविसयमणहरजिणवयणसुकाणणुद्देसे ॥ ४५६ ॥ १२०६. तम्मि सिलायलपुहवी पंच वि देहट्टिईसुमुणियत्था ।
कालगया उववण्णा पंच वि अपराजियविमाणे ॥ ४५७ ॥ १२०७. ताओ चइऊण इहं भारहवासे असेसरिउदमणा ।
पंडुनराहिवतणया जाया जयलच्छिभत्तारा ॥ ४५८॥ १२०८. ते कण्हमरणदूसहदुक्खसमुप्पन्नतिव्वसंवेगा।
सुट्टियथेरसगासे निक्खंता खायकित्तीया ॥ ४५९ ॥ १२०९. जिट्टो चउदसपुव्वी चउरो एक्कारसंगवी आसी।
विहरिय गुरुस्सगासे जसपडहभरंतजियलोया ॥४६०॥ १२१०. ते विहरिऊण विहिणा नवरि र 'हूँ कमेण संपत्ता ।
सोउं जिणनिव्वाणं भत्तपरिन्नं करेसी य ॥४६१॥ १२११. घोराभिग्गहधारी भीमो कुंतग्गगहियभिक्खाओ।
सेतुंजसेलसिहरे पाओवगओ गयभवोघो ॥ ४६२ ॥ १२१२. पुरविराहियवंतरउवसग्गसहस्समारुयनगिंदो।
अविकंपो आसि मुणी भाईणं एक्कपासम्मि ॥ ४६३ ॥