________________
४. गणिविजापइण्णय
७३६. दुद्दिट्टेणं निमित्तेणं आदेसो वि विणस्सइ ।
सुदि₹ण निमित्तेणं आदेसो न विणस्सइ ॥७३॥ ७३७. जा य उप्पाइया भासा, जं च जंपति बालया ।
जं चित्थीओ पभासंति, नत्थि तस्स वइक्कमो ॥ ७४ ॥ ७३८. तजाएण य तज्जायं, तन्निभेण य तन्निभं ।
तारूवेण य तारूवं, सरीसं सरिसेण निदिसे ॥ ७५ ॥ ७३९. पुंनोमेसु निमित्तेसु सेहनिक्खमणं करे ।
थीनामेसु निमित्तेसु सेहीनिक्खमणं करे ॥ ७६॥ ७४०. नपुंसकनिमित्तेसु सव्वकजाणि वजए ।
वामिस्सेसु निमित्तेसु सव्वारंभे विवज्जए ॥ ७७॥ ७४१. निमित्ते कित्तिमे नत्थि निमित्ते भावसुज्झए ।
जेण सिद्धा वियाणंति निमित्तुप्पायलक्खणं ॥ ७८ ॥ ७४२. निमित्तेसु पसत्थेसु दढेसु बलिएसु य ।
सेहनिक्खमणं कुन्जा वओवट्ठावणाणि य ॥ ७९ ॥ ७४३. गणसंगहणं कुजा, गणहरे इत्थ थावए ।
सुयक्खंधाऽणुन्ना उ, अणुन्ना गणि-वायए ॥८॥ ७४४. निमित्तेसु [अ]पसत्थेसु 'सिढिलेसु अबलेसु य ।
सव्वकज्जाणि वजेजा अप्पसाहारणं करे ॥ ८१॥ ७४५. पसत्थेसु निमित्तेसु पसत्थाणि सया (१ मा) रभे ।
अप्पसत्थनिमित्तेसु सव्वकजाणि वजए ॥ ८२ ॥ ७४६. दिवसाओ तिही बलिया, तिहीओ बलियं तु सुवई रिक्खं ।
नक्खत्ता करणमाइंसु, करणा गहदिणो बलि (१ ली)॥ ८३॥
१. नास्तीदं पूर्वार्द्ध सा० आदर्श । पुंनामनिमि° पु०॥ २. थीनामनिमि षु० । थीपुरिसनिमि° सा० ॥ ३. भाविसु सा० ॥ ४. सिटिलेसु सा० ॥ ५. करणाउ गहदिणा बलिणो॥ सा०॥
Jain Education International
For Private & Personal Use Only
www.jainelibrary.org
