________________
१. देविदत्थओ १७६. माहिदे साहियाइं सत्त य ४ दस चेव बंभलोगम्मि ५।
चोदस लंतयकप्पे ६ सत्तरस भवे महासुक्के ७ ॥१७६ ॥ १७७. कप्पम्मि सहस्सारे अट्ठारस सागरोवमाई ठिई ८ ।
आणय एगुणवीसा ९ वीसा पुण पाणए कप्पे १० ॥१७७ ॥ १७८. पुग्णा य एकवीसा उदहिसनामाण आरणे कप्पे ११ ।
अह अचुयम्मि कप्पे बावीसं सांगराण ठिई १२ ॥१७८॥ १७९. एसा कप्पवईणं कप्पठिई वण्णिया समासेणं ।
गेवेजऽणुत्तराणं सुण अणुभागं विमाणाणं ॥१७९॥
[गा. १८०-८३. गेवेजगदेवाणं नाम-विमाणसंखा-ठिइआइ] १८०. तिण्णेव य गेवेजा हिडिल्ला १ मज्झिमा २ य उवरिल्ला ३।
एकेकं पि य तिविहं, एवं नव होति गेवेज्जा ॥ १८०॥ १८१. सुदंसणा १ अमोहा २ य सुप्पबुद्धा ३ जसोधरा ४।
वच्छा ५ सुवच्छा ६ सुमणा ७ सोमणसा ८ पियदंसणा ९॥१८१॥ १८२. एक्कारसुत्तरं हेट्ठिमए, सत्तुत्तरं च मज्झिमए ।
सयमेगं उवरिमए, पंचेव अणुत्तरविमाणा ॥ १८२॥ १८३. हेट्ठिमगेवेजाणं तेवीसं सागरोवमाइं ठिई ।
एक्वेक्कमारुहिज्जा अट्टहिं सेसेहिं नमियंगि! ॥१८३ ॥
[गा. १८४-८६. अगुत्तरदेवाणं नाम-विमाण-ठाण-ठिइआइ] १८४. विजयं १ च वेजयंत २ जयंत ३ मपराजियं ४ च बोद्धव्वं ।
सव्वट्ठसिद्धनाम ५ होइ चउण्हं तु मज्झिमयं ॥ १८४॥ १८५. पुव्वेण होइ विजयं, दाहिणओ होइ वेजयंतं तु ।
अवरेणं तु जयंतं, अवराइयमुत्तरे पासे ॥१८५॥
१. चुइस लंतहकप्पे प्र० हं० । चउदस लंतइकप्पे सा० ॥ २. एगूणाऽऽणयकप्पे ९ प्र. हं. सा० ॥ ३. सागरोवमाइं ठिई सं०॥
Jain Education International
For Private & Personal Use Only
www.jainelibrary.org
