Page Text
________________
तृतीयं परिशिष्टम् - टिप्पनानि
विहरइ । तए णं सोमिले माहणे रिसी पढमछट्ठक्खमणपारणसि, आयावणभूमीए पच्चोरुहइ २ वागलवत्थनियत्थे । जेणेव सए उडए तेणेव उवागच्छइ, २ कढिणसंकाइयं गेण्हइ, २ पुरच्छिमं दिसं पुक्खे, पुरत्थिमाए दिसाए सोमे महाराया पत्थाणे पत्थियं अभिरक्खउ सोमिल - माहण - रिसिं अभिरक्खउ, जाणि य तत्थ कंदाणि य, मूलाणि य, तयाणि य, पत्ताणि य, पुप्फाणि य, फलाणि य, बीयाणि य, हरियाणि य, ताणि अणुजाणउ त्ति कट्टु । पुरत्थिमं दिसं पसरइ, २ जाणि य तत्थ कंदाणि य, जाव हरियाणि य, ताई गेण्हइ । किढिणसंकाइयं भरेइ २ । दब्भे य, कु य, पत्तामोडं च, समिहा कट्ठाणि य, गेण्हइ । जेणेव सए उडए, तेणेव उवागच्छइ २ किढिणसंकाइयगं ठवेइ २ । वेइं वड्डइ, २ उवलेवणसंमज्जणं करेइ । दब्भकलसाहत्थगए, जेणेव गंगा महानदई तेणेव उवागच्छइ, २ गंगं महानदई ओगाहइ, २ जलमज्जणं करेइ, २ जलाभिसेयं करेइ २ जलकिड्डुं करेइ २ आयंते चोक्खे परमसुइभूए देवपिउकयकज्जे । दब्भसगब्भकलसाहत्थगए गंगाओ महाणईओ पच्चुत्तर । जेणेव सए उडए तेणेव उवागच्छइ २ दब्भे य कुसे य वालुयाए य वेडं रएइ २ । सरयं करेइ २ अरणिं करेइ २ । सरएणं अरणिं महेइ, २ अग्गिं पाडे, २ अग्गिं संधुक्कर, २ समिहा कट्ठाणि पक्खिवइ, २ अग्गिं उज्जालेइ २ ।
अग्गिस्स दाहिणे पासे, सत्तंगाई समादहे । तंजहासकहं वक्कलं ठाणं सिज्झभंडं कमंडलुं । दंडदारुं तहऽप्पाणं, अहे ताई समिए समादहे ||१||
महुणा य घएण य, तंदुलेहि य, अग्गिं हुई । चरुं साहेइ । २ बलिवइस्सदेवं करे । २ अतिहिपूयं करेइ, २ तओ पच्छा अप्पणा आहारमाहारेइ । तए णं सोमिले माहणरिसी दोच्चं छट्ठक्खमणपारणं तओ उवसंपज्जित्ताणं विहरइ । तए णं सोमिले माहणरिसी दोच्चे छट्ठक्खमणपारणगंसि, तं चैव सव्वं भाणियव्वं, जाव आहारमाहारे । नवरं इमं नाणत्तं दाहिणाए दिसाए जमे महाराया पत्थाणे पत्थियं अभिरक्खउ सोमिलं माहणरिसिं, जाणि य तत्थ कंदाणि य, जाव अणुजाणउ त्ति दाहिणं दिसिं पसरइ । पच्चत्थिमे णं वरुणे महाराया जाव पच्चत्थिमं दिसं पसर । उत्तरेणं वेसणे महाराया जाव उत्तरं दिसिं पसरइ । पुव्वदिसागमेणं चत्तारि वि दिसाओ भाणियव्वाओ, जाव आहारं आहारेइ ।
१६८
[५] तए णं तस्स सोमिलस्स माहणरिसिस्स अन्नया कयाइ पुव्वरत्तावरत्तकालसमयंसि अणिच्चजागरियं जागरमाणस्स अयमेयारूवे अज्झत्थिए जाव समुप्पज्जित्था । एवं खलु वाणारसीए नयरीए सोमिले नामं माहणरिसी अच्छंतमाहणकुलप्पसूए । तए णं मए वयाइं चिण्णाई, जाव जूवा निक्खित्ता । तए णं मम वाणारसीए जाव पुप्फारामा य जाव रोवाविया । तए णं मए सुबहु लोह जाव घडावेत्ता, जाव जेट्ठपुत्तं ठावेत्ता जाव जेट्ठपुत्तं आपुच्छिता सुबहु लोह जाव गहाय मुंडे जाव पव्वइए । पव्वइए वि य णं समाणे छट्ठछट्टेणं जाव विहरामि । तं सेयं खलु ममं इयाणिं कल्लं
Jain Education International
For Private & Personal Use Only
www.jainelibrary.org
| SR No. | 001029 |
| Book Title | Agam 03 Ang 03 Sthananga Sutra Part 03 |
| Original Sutra Author | N/A |
| Author | Abhaydevsuri, Jambuvijay |
| Publisher | Mahavir Jain Vidyalay |
| Publication Year | 2004 |
| Total Pages | 588 |
| Language | Prakrit, Sanskrit |
| Classification | Book_Devnagari, Agam, Canon, Dictionary, & agam_sthanang |
| File Size | 11 MB |