________________
३५२
१०
आवस्यसुत्तं
[सु. ७२. परदारगमणस्स भेया ]
[ ७२. परदारगमणं समणोवासओ पच्चक्खाइ, सदारसंतोसं वा पडिवज्जइ । से य परदारगमणे दुबिहे पन्नत्ते, तं जहा - ओरालियपरदारगमणे य १ वेव्वियपरदारगमणे य २ ॥ १० ॥
[सु. ७३. सदार संतोसवयस्स अइयारा ]
[ ७३. सदारसंतोसस्स समणोवासएणं इमे पंचऽतिचारा जाणियव्वा, न समायरियव्वा, तं जहां- इत्तरियपरिग्गहियागमणे १ अपरिग्गहियागमणे २ अणंगकीडा ३ परविवाहकरणे ४ कामभोगतिव्वाभिलासे ५ ॥ ११ ॥
[ सु० ७२ -
[सु. ७४. परिग्गहस्स भेयदुगं ]
[ ७४ अपरिमियपरिग्गहं समणोवासओ पच्चक्खाति, इच्छापरिमाणं उवसंपजइ । से य परिग्गहे दुविहे पन्नत्ते, तं जहा - सच्चित्तपरिग्गहे य १ अचित्तपरिग्गहे य २ ॥ १२ ॥
[सु. ७५. इच्छापरिमाणवयस्स अइयारा ]
[७५. इच्छापरिमाणस्स समणोवासएणं इमे पंचऽतियारा जाणियव्वा, न १५ समायरियव्वा, तं जहाँ - खेत्त-वत्थुपमाणाइक्कमे १ हिरण्ण - सुवण्णपमाणाइक्कमे २ धण-धन्नपमाणाइक्कमे ३ दुपद - चतुप्पदपमाणातिक्कमे ४ कुवियपमाणातिक्कमे ५ ॥ १३॥
[सु. ७६-७७. दिसिवयस्स भेयतिगं अइयारपणगं च ] [७६. दिसिवए तिविहे पन्नत्ते, तं जहा – उड्ढदिसिवए १ अहोदिसिव २ २० तिरियदिसिवए ३ ॥ १४॥
[ ७७. दिसिवयस्स समणोवासएणं इमे पंचऽतियारा जाणितव्वा, न समाचरितव्वा, तं जहा – उड्ढदिसिपमाणातिक्कमे १ अहोदिसिपमाणातिक्कमे २ तिरियदिसिपमाणातिक्कमे ३ खेत्तबुड्ढी ४ सतिअंतरद्धा ५ ॥ १५ ॥
१. हा - अपरिग्गहियागमणे इत्तरियपरिग्गहियागमणे क्षणं मु० आ० ॥ २. हा-वणधन्नपमाणाइक्कमे खित्त-वत्थुपमाणाइक्कमे हिरन्न - सुवन्नपमाणाइक्कमे दुपय च मु० आ० ॥
Jain Education International
For Private & Personal Use Only
www.jainelibrary.org
