________________
___ २१५
९१५]
तेवीसइमं केसि-गोयमिजं अज्झयणं ९०७. 'जा उ आसाविणी नावा न सा पारस्स गामिणी।
जा निरस्साविणी नावा सा तु पारस्स गामिणी ॥ ७१ ॥' ९०८. 'नावा य इति का वुत्ता १' केसी गोयममब्बवी।
तओ केसि बुवंतं तु गोयमो इणमब्बवी ॥ ७२ ॥ ९०९. 'सरीरमाहु नाव ति जीवो वुच्चइ नाविओ।
संसारो अण्णवो वुत्तो जं तरंति महेसिणो ॥७३॥' ९१०. 'साहुँ गोयम ! पन्ना ते छिन्नो मे संसओ इमो ।
अन्नो वि संसओ मज्झं तं मे कहसु गोयमा ! ॥ ७४ ॥ ९११. अंधयारे तमे घोरे चिट्ठति पाणिणो बहू।
को करिस्सइ उन्जोयं सव्वलोगैम्मि पाणिणं ? ॥७५॥' ९१२. 'उग्गओ विमलो भाणू सव्वलोकैपभंकरो।
सो करिस्सइ उन्जोयं सव्वलोगैम्मि पाणिणं ॥ ७६॥' ९१३. 'भाणू य इति के वुत्ते ? ' केसी" गोयममब्बवी ।
तओ केसि बुवंतं तु गोयमो इणमब्बवी ॥ ७७॥ ९१४. 'उग्गओ खीणसंसारो सव्वण्णू जिणभक्खरो ।
सो करिस्सइ उँजोयं सव्वलोगैम्मि पाणिणं ॥ ७८ ॥' ९१५. 'साह गोयम ! पन्ना ते छिन्नो मे संसओ इमो ।
अन्नो वि संसओ मझं तं मे कहसु गोयमा ! ॥७९॥
१. “आश्राविणी-जलसङ्ग्राहिणी" इति पाटी० नेटी० । अस्साविणी सं १ विना, नवरं सस्साविणी सं २ शा० पाटीपा० च ॥ २. उ सं १ विना ॥ ३. °सी० ॥७२॥ ला १ ला २ । 'सी गो० ॥ ७२ ॥ पु०॥ ४. केसिमेवं बु शा० ॥ ५. नावि ला १ ला २ पु० ॥ ६. हु. ॥ ७४ ॥ ला २ । हु गो० ॥ ७४ ॥ ला १ पु० ॥ ७. ते० सिलोगो ॥७४॥ सं २॥ ८. कहय सं १॥ ९. चिटुंते सं २ ला २ पु० ॥ १०. उज्जोवं सं १॥ ११, १४. लोगंसि सं १ ला २॥ १२. लोयप सं २ शा० । लोगप° ला १ ला २ पु०। लोगप्प ने० ॥ १३. उजोवं सं १॥ १५. सी० ॥७७ ॥ ला १ ला २। °सी गो० ॥७७॥ पु०॥ १६. केसिमेवं बु शा०॥ १७. उजोवं सं १॥ १८. °लोगंसि सं १। लो० ॥७॥ पु० ॥ १९. हु० ॥७९॥ ला २ । हु गो० ॥ ७९ ॥ पु०। 'हु गोयम० ॥७९॥ ला १॥ २०. कहय सं १॥
Jain Education International
For Private & Personal Use Only
www.jainelibrary.org
