________________
सु० ६०] वीसइमं महानियंठिज्जं अज्झयणं
१९५ ७५२. निरैट्ठिया नग्गरुई उ तस्स जे उत्तिमढं विवाँसमेइ ।
इमे वि से नत्थि परे वि' लोए दुहओ वि से झिज्जइ तत्थ लोए॥४९॥ ७५३. एमेवऽहाछंद-कुसीलरूंवे मग्गं विराहेत्तु जिणुतमाणं ।
कुररी विवा भोगरसाणुगिद्धा निरट्ठसोयाँ परितावमेई ॥५०॥ ७५४. सोचाण मेहावि ! सुभासियं इमं अणुसासणं नाणगुणोववेयं ।
मग्गं कुसीलाण जहाय सव्वं महानियंठाण वए पहेणं ॥५१॥ ७५५. चरित्तमायारगुणन्निए तओ अणुत्तरं संजैम पालियाणं ।
निरासवे संखवियाण कम्मं उवेइ ठाणं विउलुत्तमं धुवं ॥५२॥ ७५६. एवुग्गदंते वि महातवोधणे महामुणी महापइन्ने महाँजसे ।
महानियंठिजमिणं महासुयं से काहए महया वित्थरेणं ॥५३॥ १० ७५७. तुट्ठो य सेणिओ राया इणमुदाँहु कयंजली ।
अणाहत्तं जहाभूयं सुठु मे उवदंसियं ॥५४॥ ७५८. तुझं सुलद्धं खु मणुस्सजम्मं लामा सुलद्धा य तुमे महेसी ! ।
तुब्भे सणाहा य सबंधवा य जंभे ठिया मग्गे जिणुतमाणं ॥ ५५ ॥ ७५९. तं सि नाहो अणाहाणं सर्वभूयाण संजया !।
खामेमि ते महाभांग! इच्छामि अणुसौसिउं ॥५६॥ ७६०. पुच्छिऊण मए तुभं झाणविग्यो उ जो कओ।
निमंतियाँ य भोगेहिं तं सव्वं मरिसेहि मे ॥५७॥
१. रट्ठया ला १ ला २ पु०॥ २. गरई पु०॥ ३. “सुळ्यत्ययाद् अपेश्च गम्यमानत्वाद् उत्तमार्थेऽपि" इति पाटी० नेटी०। उत्तिमटे सं १ ने नेटी. पाटीप्र०। उत्तमटे ला १ ला २ पु० ॥ ४. जासुमे(?वे )ति सं२॥ ५. व सं २॥ ६. रूवी सं १॥ ७. °या पुणरेति वावं ॥५०॥ सं १॥ ८. °मेयति सं २ ॥ ९. वते सं १ । क्ये पाटी० नेटी० ॥ १०. "मकारोऽलाक्षणिकः,...चारित्राचारगुणान्वितः" इति पाटी० नेटी०॥ ११. संयममित्यर्थः॥ १२. महप्पइ सं १॥ १३. हायसे सं १ विना ॥ १४. “से काहए त्ति स श्रेणिकपृष्टो मुनिरकथयत्" इति पाटी० । कहेइ सं १। कहेई शा० ॥ १५. दाह ला १॥ १६. अणाहयं सं १ पा० । अणाहतं ने० । अत्र मूलवाचनापाठानुसारिणी पाटी० नेटी० च॥ १७. सं १ प्रताविदं सूत्रवृत्तं 'पुच्छिऊण (सू० श्लो० ५५) सूत्रश्लोकानन्तरं वर्तते ॥ १८. तवं म° सं १॥ १९. स्वसत्ताण सं १ ॥ २०. °भागा! ला १ ला २ पु० ॥ २१. “अनुशासयितुम् ,...भवतेति गम्यते" इति पाटी० नेटी० । सासणं सं ११ सासियं ला १ ला २॥ २२. पुच्छंतेण सं १॥ २३. तुम्ह सं १॥२४. विग्घाओ जो शा। णविग्यो य जं पा०॥ २५. तिमओ सं १॥
Jain Education International
For Private & Personal Use Only
www.jainelibrary.org
