________________
१०७
पंचमं अकाममरणिज्ज अज्झयणं १५७. ताई ठाणाइं गच्छंति सिक्खित्ता संजमं तवं ।
भिक्खोए वा गिहत्थे वा जे संतिपरिनिव्वुडा ॥ २८॥ १५८. तेसिं सोच्चा सपुजाणं संजयाणं वुसीमओ ।
न संतसंति मरणंते सीलमंता बहुस्सुया ॥ २९॥ १५९. तुलिया विसेसमादाय दयाधम्मस्स खंतिए ।
विप्पसीएज मेहावी तहाभूएण अप्पणा ॥ ३०॥ १६०. तओ काले अभिप्पेए सड्ढी तालिसमंतिए ।
विणएज लोमहरिसं भेयं देहस्स कंखए ॥३१॥ १६१. अंह कालम्मि संपत्ते आघायाय संमुस्सयं ।
सकाममरणं मरइ तिण्हमण्णतरं मुणि ॥३२॥ त्ति बेमि ॥
॥ अकाममरणिज्ज अज्झयणं समत्तं ॥५॥
१. ताणि ठाणाणि सं१ विना ॥ २. भिक्खागे वा गिहित्थे वा शा० ॥ ३. सुच्चा सं१ संर ने० विना ॥ ४. तारिस संरसं० । तालीस पा० ने० ॥ ५. मथ चू०॥ ६. °त्ते सुतक्खातसमाहितो। सका चू०, °से आषायाए समुस्सयं चूपा० ॥ ७. आघाएजा स सं१॥ ८. समुच्छयं पा०॥ ९. मरणं समत्तं सं१। मरणिजं ५॥ ला१ लार पु०॥ १०. °यणं पंचमं स सं२॥
Jain Education International
For Private & Personal Use Only
www.jainelibrary.org
