________________
सु० ४५२-६८] नवमे विणयसमाहिअज्झयणे पढमो उद्देसो ४६०. सियां हु सीसेण गिरि पि भिंदे सिया हु सीहो कुविओ न भक्खे।
सिया न भिंदेज व सत्तिअग्गं न यावि मोक्खो गुरुहीलणाए ॥९॥ ४६१. आयरियपाया पुण अप्पसन्ना अबोहि आसायण नत्थि मोक्खो।
तम्हा अणाबाहसुहाभिकंखी गुरुप्पसायाभिमुहो रमेजा ॥१०॥ ४६२. जहाऽऽहियग्गी जलणं नमसे नाणाहुईमंतपयाभिसित्तं ।
एवाऽऽयरियं उवचिट्ठएज्जा अणतंणाणोवगओ वि संतो ॥११॥ ४६३. जैस्संतिए धम्मप॑याइं सिक्खे तस्संतिए वेणइयं पउंजे।
सक्कारए सिरसा पंजलीओ कॉय ग्गिरा भो! मणसा य निचं ॥१२॥ ४६४. लज्जा दया संजम बंभचेरं कलाणभाँगिस्स विसोहिठाणं ।
जे मे गुरू सययमणुसासयंति ते हं गुरू सँययं पूययामि ॥१३॥ १० ४६५. जहा निसंते तैवणऽच्चिमाली पभाई केवल भारहं तु।
एवाऽऽयरिओ सुय-सील-बुद्धिए विरायई सुरमझे व इंदो ॥१४॥ ४६६. जहा ससी कोमुइजोगजुत्ते नक्खत्त-तारागणपरिवुडप्पा।
खे सोहई विमले अब्भमुक्के एवं गणी सोहई भिक्खुमज्झे ॥१५॥ ४६७. महागरा आयरिया महेसी सँमाहिजोगे सुय-सील-बुद्धिए । १५
संपाविउकामे अणुत्त इं आराहए तोसए धम्मकौमी ॥१६॥ ४६८. सोचाण मेहोवि सुभासियाई सुस्सूसए आँयरिएऽप्पमत्तो ।
औराहइत्ताण गुणे अणेगे से पावई सिद्धिमणुत्तरं ति बेमि ॥१७॥
॥विणयसमाहीए पंढमो उद्देसो समत्तो ॥९.१॥ १. सियाय सी° अचू०॥ २. सिया व सी अचू० ॥ ३. जस्संतियं ध° अचू० वृ०॥ १. पदाणि अचू० ॥ ५. तस्संतियं वे अचू० वृ०॥ ६. पतुंजे अचू० ॥ ७. काया गिरा जे०॥ ८. भाइस्स खं ४ ॥ ९. °य अणु शुपा०॥ १०. सतयं अचू०॥ ११. तवतऽचि खं १ अचू० वृ० । तवमच्चि खं ३-४ ॥ १२. °सए के खं २ । °सती (सई ला १-३-४) भारह केवल तु अचू० वृ० ला १-३-४ ॥ १३. इंदे खं ४ ॥ १४. जधा अचू० ॥१५. जुत्तो अचू० ॥ १६. सोभते अचू० ॥ १७. सोभति भि अचू० । सोभइ सीसमझे वृ०॥ १८. समाधिजोगाण सुत-सील° अचू० वृ०॥ १९. कामो अचू०॥ २०. राणि उवट्टितो तोस' अचू० ० ॥ २१. कामे वृ० हाटी० ॥ २२. मेधावि सुभासिताणि अचू०॥ २३. सुहासि खं २-४ ॥ २४. आयरियऽप्प खं २ अचू० वृ० । आयरिए अप्प खं ४ ॥२५. आराधयित्ताण अचू० ॥ २६. पढमोद्देसओ ॥ ९.१॥ खं २-४। पढमुद्देसमो समत्तो ॥ छ ॥ वृत्त १७ ॥छ॥ खं ३॥
Jain Education International
For Private & Personal Use Only
www.jainelibrary.org
