________________
१०
नवमं विणयसमाहिअज्झयणं
[पढमो उद्देसो] ४५२. थंभा व कोहां व मय-प्पमाया गुरुस्सगासे विणयं न सिक्खे । .
सो चेव ॐ तस्स अभूइभावो फलं व कीयस्स वहाय होइ ॥१॥ ४५३. जे यावि मंदे त्ति गुरुं विइत्ता डहरे इमे अप्पसुए त्ति नच्चा ।
हीलंति मिच्छं पडिवजमाणा करेंति आसायण ते गुरूणं ॥२॥ ४५४. पगईए मंदा वि भवंति एगे डहरा वि य जे सुय-बुद्धोववेया।
आयारमंता गुण-सुट्ठियप्पा जे हीलिया सिहिरिव भास कुन्जा ॥३॥ ४५५. जे यावि नागं ईंहरे त्ति नचा आसायए से अहियाय होइ।
एवाऽऽयरियं पि हु हीलयंतो नियच्छई जोइपहं खु मंदे ॥ ४॥ ४५६. आसीविसो यौवि परं सुरुट्ठो किं जीयनासाओ परं नु कुज्जा १ ।
आयरियपाया पुण अप्पसन्ना अबोहि आसायण नत्थि मोक्खो॥५॥ ४५७. जो पावगं जलियमवक्कमेजा आसीविसं वा विहु कोवएन्जा।
जो वा विसं खाँयइ जीवियट्ठी एसोवमाऽऽसायणया गुरूणं ॥६॥ ४५८. सिया हु से पविय नो डहेजा आसीविसो वा कुविओ न भक्खे ।
सिया विसं हालहलं न मारे न यावि मोक्खो गुरुहीलणाए ॥७॥ ४५९. जो पव्वयं सिरसा भेत्तुमिच्छे सुत्तं व सीहं पडिबोहएज्जा ।
जो वा दए सत्तिअग्गे पहारं एसोवमाऽऽसायणया गुरूणं ॥८॥
१. कोधा अचू० ॥ २. गुरूण सगासे अचू० ० ॥ ३. विणए अचूपा० ॥ ४. न चिटे। सो अचू० वृ० ॥ ५. तू अचू० वृ० । ओ खं ४ शु० ॥ ६. मंद त्ति जे० शु०॥ ७. विदित्ता खं १॥ ८. डहरं ति खं ४ शु० वृ०॥ ९. यद्यपि 'से' इत्येतत्स्थाने मुद्रितागस्त्यचूर्णिमूलपाठे 'सो' इति पाठोऽस्ति, किन्तु तत्र से' इति पाठो ज्ञेयः ॥ १०. णिगच्छती जातिवधं खु अचू० ॥ ११. जातिपधं खु अचूपा० ॥ १२. आवि खं ३ । वा वि खं २ ॥ १३. जीवना शु० । जीतणासातो अचू०॥ १४. खातति अचू० ॥ १५. सियाय से खं ३-४ अचू० ॥ १६. पावत अचू० ॥
Jain Education International
For Private & Personal Use Only
www.jainelibrary.org
