Page Text
________________
णायाधम्मकहंगसुत्तबीए सुयक्खंघे सू० १४८होत्था, वडा वडकुमारी जुण्णा जुण्णकुमारी पडियपुयत्थणी णिविण्णवरा वरगवजिया यावि होत्था।
तेणं काले णं ते णं समए णं पासे अरहा पुरिसादाणीए आदिगरे, जहा वद्धमाणसामी, णवरं णवहत्थुस्सेहे सोलसहिं समणसाहस्सीहिं अट्टत्तीसाए अजिया५ साहस्सीहिं सद्धिं संपरिवुडे जाव अंबसालवणे समोसढे। परिसा णिग्गया जाव
पजुवासति । तते ण सा काली दारिया इमीसे कहाए लद्धट्ठा समाणी हट्ट जाव हियया जेणव अम्मापियरो तेणेव उवागच्छइ, २त्ता करयल जाव एवं वयासीएवं खलु अम्मताओ! पासे अरहा पुरिसादाणीए आदिगरे जाव विहरति, तं इच्छामि णं अम्मताओ! तुन्भेहिं अब्भणुन्नाया समाणी पासस्स अरहतो पुरिसादाणीयस्स पायवंदिया गमित्तए । अहासुहं देवाणुप्पिए ! मा पडिबंधं करेहि । - तते णं सा काली दारिया अम्मापितीहिं अब्भणुन्नाया समाणी हट्ट जाव हियया ण्हाया कयबलिकम्मा कयकोउयमंगलपायच्छित्ता सुर्द्धप्पावेसाई मंगलाई वत्थाई पवर परिहिया अप्पमहग्घाभरणालंकियसरीरा 'चेडियाचक्कपालपरिकिण्णा सातो
गिहातो पडिणिक्खमति, २ ता जेणेव बाहिरिया उवट्ठाणसाला जेणेव धम्मिए १५ जाणपवरे तेणेव उवागच्छति, २ धम्मियं जाणपवरं दुरूढा। तते णं सा काली दारिया धम्मियं जाणेपवरं एवं जहा देवई तहा पन्जुवासति।
तते णं पासे अरहा पुरिसादाणीए कालीए दारियाए तीसे य महतिमहालियाए परिसाए धम्म कहेइ। तते णं सा काली दारिया पासस्स अरहतो पुरिसादाणीयस्स अंतिए धम्मं सोचा णिसम्म हट्ट जाव हियया पासं अरहं पुरिसादाणीयं
१. वडा वडकुमारी जे १। “वह त्ति बृहती वयसा, सैव बृहत्त्वादपरिणीतत्वाच्च बृहत्कुमारी, जीर्णा शरीरजरणाद् वृद्धेत्यर्थः, सैव जीर्णत्वापरिणीतत्वाभ्यां जीर्णकुमारी, जीर्णशरीरत्वादेव पतितपुतस्तनी अवनतिगतनितम्बदेश-वक्षोजा, निर्विण्णाश्च वराः परिणेतारो यस्याः सा निर्विण्णवरा, अत एव वरकवर्जितेति"-अटी.॥ २. वरगपरिवजिया लों० विना । दृश्यतामुपरितनं टिप्पणम् ।। ३. णवुस्सेहे हे १ जे १ विना। ४. अट्टतीसाए हे १ जे १ खं १ ला १,२ हे ३, ४॥ ५. करहिं हे २॥ ६. कालिया दा से १ ला २, ३, हे ३,४, जे २॥ ७. °पिइहिं लों। पीतीहिं हे १ ख १ जे २॥ ८. दुपा हे १ जे १ ला २ विना। इप्प ला १॥९. चेडी' हे २॥ १०.गेहाओ हे२॥ ११. °णप्प लों॥ १२.°णप्प खं१ लो०॥ १३. हे २ लों० विना। देवती जहा हे ४ जे २ लामू० ३। दोवती जहा से १ ला २ लासं० ३ खं १ । दोवई जाव जे १। देवई जाव ला १ हे १। दृश्यताम् अन्तकृद्दशाङ्गे तृतीये वर्गेऽष्टमेऽध्ययने ।। १४. मरिहा जे १ ॥ १५. कालीयाए हे २॥ १६. धम्मकहा। तए हे १ जे १ लों० विना ।। १७. दाणियस्प हे २ लो० ॥ १८. णिसम्मा ख १ हे २ जे २॥
Jain Education International
For Private & Personal Use Only
www.jainelibrary.org
| SR No. | 001021 |
| Book Title | Agam 06 Ang 06 Gnatadharma Sutra |
| Original Sutra Author | N/A |
| Author | Jambuvijay, Dharmachandvijay |
| Publisher | Mahavir Jain Vidyalay |
| Publication Year | 1990 |
| Total Pages | 737 |
| Language | Prakrit |
| Classification | Book_Devnagari, Agam, Canon, Story, Literature, & agam_gyatadharmkatha |
| File Size | 14 MB |