Page Text
________________
३५३
एगूणवीसइमं अज्झयणं 'पुंडरीए' १४५. ततेणं तस्स कंडरीयस्स रण्णो तं पणीयं पाणभोयणं आहारियस समाणस्स अतिजागरएण य अइभोयणप्पसंगेण य से आहारे णो सम्मं परिणते। तते णं तस्स कंडरीयस्स रण्णो तंसि आहारंसि अपरिणममाणंसि पुंवरत्तावरत्तकालसमयंसि सरीरगंसि वेदणा पाउन्भूया उजला विउला पगाढा जाव दुरहियासा, पित्तज्जरपरिगयसरीरे दाहवकंतीए यावि विहरति ।
तते णं से कंडरीए राया रजे य रढे य अंतेउरे य जाव अज्झोववन्ने अट्टदुहट्टवसट्टे अकामए अवसवसे कालमासे कालं किचा अहे सत्तमाए पुढवीए उक्कोसकालद्वितियसि नरयंसि नेरइयत्ताए उववण्णे।
एवामेव समणाउसो ! जाव पव्वतिए समाणे पुणरवि माणुस्सए कामभोगे ओसादेति जाव अणुपरियट्टिस्सति, जहा व से कंडरीए राया।
१४६. तते णं से "पुंडरीए अणगारे जेणेव थेरा भगवंतो तेणेव उवागच्छति, २ थेरे भगवंते वंदति नमसति, २ थेराणं अंतिए दोचं पि चाउजामं धम्म पडिवजति, छट्ठखमणपारणगंसि पढमाए पोरिसीए सज्झायं करेति, २ जाव अडमाणे सीयलुक्खं पाण-भोयणं पडिगाहेति, २ अहापज्जत्तमिति कट्ठ पडिणियत्तति, जेणेव थेरा भगवंतो तेणेव उवागच्छति, २ भतपाणं पडिदंसेति, २ थेरेहिं भगवंतेहिं १५ अन्मणुनाए समाणे अमुच्छिते अगिद्धे अगढिए अणज्झोववन्ने बिलमिव पण्णगभूएणं अप्पाणेणं तं फासुएसणिज्जं असण-पाण-खाइम-साइमं सरीरकोटगंसि पक्खिवति । तते णं तस्स "पुंडरीयस्स अणगारस्स तं कालाइक्तं अरसविरसं "सीयलुक्खं पाणभोयणं आहारियस्स समाणस्स पुव्वरत्तावरत्तकालसमयंसि धम्मजागरियं जागरमाणस्स से आहारे णो सम्मं परिणमति। तते णं तस्स २० "पुंडरीयस्स अणगारस्स सरीरगंसि वेदणा पाउन्भूया उन्जला जाव दुरहियासा, पित्तज्जरपरिगयसरीरे दाहवकंतीए विहरति । तते णं से "पुंडरीए अणगारे अथामे
१. गरिएण हे १ जे १ लो० ला ३ विना ॥ २. भोयप्प हे १ लासं० ३ विना ॥३. ण य सम्मं हे १ जे १॥ ४. °णमइ हे १ जे १॥ ५. पुन्वावरत्तकाल° हे १॥ ६. सरीरंसि से १ ला २, ३, हे ३, ४ जे २॥ ७. भवसम्बसे हे १ विना ॥ ८. °टियंसि हे १जे १ विना। °थिइंसि लो० ॥ ९. यासादेति ला १। आसाइए जाव से १ ला २ जे २ हे ४ । दृश्यतां पृ०२०८ पं०९-१०॥१०.पों खं १ विना ॥११.असणं . सरीर जे १॥ १२.पोंड हे १ जे१खं१॥ १३. सीयललुक्खं सं १ ख १ ला १, २, हे ३, ४, जे २ ॥ १४. पुव्वावरत्तकाल' हे १॥ १४. पोंड खं १ जे १॥ १५. सरीरंसि सं १ ला ३ हे २, ४, जे २॥ १६. उजला जाव परिगयसरीरे विहरइ हे १ जे १ । दृश्यतां पृ० १२५ पं० २ टि०१॥ १७. पोंड हे १खं १॥
Jain Education International
For Private & Personal Use Only
www.jainelibrary.org
| SR No. | 001021 |
| Book Title | Agam 06 Ang 06 Gnatadharma Sutra |
| Original Sutra Author | N/A |
| Author | Jambuvijay, Dharmachandvijay |
| Publisher | Mahavir Jain Vidyalay |
| Publication Year | 1990 |
| Total Pages | 737 |
| Language | Prakrit |
| Classification | Book_Devnagari, Agam, Canon, Story, Literature, & agam_gyatadharmkatha |
| File Size | 14 MB |