Page Text
________________
[अट्ठारसमं अज्झयणं 'सुंसुमा'] १३६. जति णं भंते ! समणेणं भगवया महावीरेणं सत्तरसमस्स नायज्झयणस्स अयमढे पण्णते, अझरसमस्त णं [भंते ! नायज्झयणस्स समणेणं जाव संपत्तेणं] के अढे पन्नते १ .. एवं खलु जंबू! ते णं काले णं ते णं समए णं रायगिहे णाम नगरे होत्या, वण्णओ। तत्थ णं धणे सत्यवाहे, भदा भारिया, तस्स णं धणस्स सत्थवाहस्स पुत्ता भदाए अत्तया पंच सत्यवाहदारगा होत्या, तंजहा-धणे, धणपाले, धणदेवे, धणगोवे, धणरक्खिए। तस्स णं धणस्स सस्थवाहस्स धूया भदाए अत्तया पंचण्हं पुत्ताणं अणुमग्गजातिया सुंसुमा णामं दारिया होत्या सूमालपाणिपाया।
तस्स धणस्स सत्यवाहस्स चिलाए नाम दासचेडे होत्था, अहीणपंचेंदियसरीरे मंसोवचिते बालकीलावणकुसले यावि होत्था। तते णं से दासचेडे सुंसुमाए दारियाए बॉलग्गाहे जाते यावि होत्था। सुसुमं दारियं कडीए गेण्हति, २त्ता बहूहिं दारएहिं य दारियाहिं य डिभएहिं य डिभियाहिं य कुमारएहिं य कुंमारियाहिं य सद्धिं अभिरममाणे २ विहरति । ___तते णं से चिलाते दासचेडे तेसिं बहूणं दारयाण य दारियाण य डिंभयाण य डिभियाण य कुमारयाण य कुमारियाण य अप्पेगतियाण खुल्लए अवहरति, एवं वट्टए, आडोलियातो, तेंदूसए, "पोत्तुल्लए, साडोलए, अप्पेगतियाणं आभरणमल्लालंकार अवहरति, अप्पेगतिए औउसति, एवं अवहसति, निच्छोडेति, निभच्छेति, तजेति, अप्पेगतिए तालेति।
१. णं हे १ विना नास्ति । दृश्यतां पृ० ७७, १३०, १३२, १९१, २१९, २१३, २१५, २२४, २३६, २५१, २५६, ३२१ ।। २. सत्थाहदा° खं १ विना ॥ ३. धणवाले हे १ जे१ लो० ॥ ४. अंतिया जे१॥ ५. अणुमग्गं जाइया जे १ हे १ । अणुमग्गए जाइया हे २॥ ६. सुकुमाला । तस्स हे १ जे १॥ ७. °ग्गाहिज्जाए लो० । दृश्यतां पृ. ८४ पं०९॥ ८. कुमारेहिं जे २॥ ९. विहरइ २ जे १, २॥ १०. दारयाण य ६ हे १ जे१ विना । दारगाणं ५ हे १ जे १॥ ११. खल्लुए खं १। "खुल्लए (खल्लुए-अटीखं०) ति कपकविशेषान् वर्तकान् जवादिमयगोलकान् आडोलियामओ (आलोडियामो-ला १ जे २, मालोलियामो-जे १ हे १) ति ऋयू (अट्ठा सं १ जे २, ऋय खं०, भद्धा जे १, हे १, ऋदा ला १) उन्नया इति च योन्यते, तेंदूसए त्ति कन्दुकान् , पोत्तल्लए (पोतुल्लए-हे १ जे १)त्ति वस्त्रमयपुत्रिका अथवा परिधानवस्त्राणि, साडोल्लए ति उत्तरीयवस्त्राणि"-अटी० ॥ ३. अडोयालीयामओ जे १ । माडोलीयामो हे १। भफोडियाओ लो । अडोलियातो खं १ सं १ ला १, २, ३, हे ४, जे २॥ १२. पुत्तलए हे १ जे१। पोतुल्लर हे २ लो० । पोत्तुल्लुर जे २ ला ३ हे ४ ॥ १३. अप्पेगइया माउसइ जाव तालेइ [५-जे १] हे १ जे१॥ १४. भातोसति ख १॥
Jain Education International
For Private & Personal Use Only
www.jainelibrary.org
| SR No. | 001021 |
| Book Title | Agam 06 Ang 06 Gnatadharma Sutra |
| Original Sutra Author | N/A |
| Author | Jambuvijay, Dharmachandvijay |
| Publisher | Mahavir Jain Vidyalay |
| Publication Year | 1990 |
| Total Pages | 737 |
| Language | Prakrit |
| Classification | Book_Devnagari, Agam, Canon, Story, Literature, & agam_gyatadharmkatha |
| File Size | 14 MB |