Page Text
________________
३१२ ___णायाधम्मकहंगसुत्ते पढमे सुयक्खधे [सू० १२५
तए णं से कपिले वासुदेवे मुणिसुव्वयं वंदति नमसइ, २ ता एवं वयासी -गच्छामि णं अहं भंते ! कण्हं वासुदेवं उत्तमपुरिसं सरिसपुरिसं पासामि। तए णं मुणिसुन्वते अरहा कविलं वासुदेवं एवं वयासी-नो खलु देवाणुप्पिया!
ऐयं भूयं वा भव्वं वा भविस्सं वा जण्णं अरहंता वा अरहंतं पासंति, चक्कवट्टी । वा चक्कवट्टि पासंति, बलदेवा वा बलदेवं पासंति, वासुदेवा वा वासुदेवं पासंति।
तहवि य णं तुमं कण्हस्स वासुदेवस्स लवणसमुदं मझमज्झेणं वीतिवयमाणस्स सेयोपीयाई धयग्गाई पासिहसि।
तते णं से कविले वासुदेवे मुणिसुव्वयं वंदति नमसइ, २ ता हस्थिखधं दुरुहति, २ सिग्धं तुरियं चवलं चंडं जइणं जेणेव वेलाउले तेणेव उवागच्छति, २ ता कण्हस्स वासुदेवस्स लवणसमुदं मज्झंमज्झेणं वीतिवयमाणस्स सेयोपीयाई धयग्गाई पासति, २ ता एवं वयइ--एस णं मम संरिसपुरिसे उत्तमपुरिसे कण्हे वासुदेवे लवणसमुदं मज्झमज्झेणं "वीतिवयति त्ति कटु पंचजन्नं संखं परामुसति, २ ता मुहवायपूरियं करेति।
तते णं से कण्हे वासुदेवे कविलस्स वासुदेवस्स संखसदं आकन्नेति, २ पंचयन्नं जाव पूरियं करेति । तते णं दो वि वासुदेवा संखसद्दसामायारिं करेंति । तते णं से कविले वासुदेवे जेणेव अवरकंका तेणेव उवागच्छति, २ अवरकंकं रायहाणि संभग्गतोरणं पासति, २ ता पउमणाभं एवं वयासी-किं गं देवाणुप्पिया! एसा अवरकंका संभग्ग जाव सन्निवइया ? तते णं से पउमणाभे कविलं वासुदेवं एवं वयासी-एवं खलु सामी! "जंबुद्दीवातो दीवातो भारहातो वासातो इहं हव्वमागम्म कण्हेणं वासुदेवेणं तुब्भे परिभूय अवरकंका जाव सन्नि
१. सरिसपुरिसं नास्ति हे १ जे १ ख १ ला२॥ २. एवं लासं० ३ ला१ विना। दृश्यतां पृ०२९७५० २, पृ० ३११ पं० ९॥ ३. °समुदस्स हे १ जे १॥ ४. वीतीव खं १॥५. °पीययाई हे २ खं। दृश्यतां पृ० ५१ पं० २॥ ६. पासहिसि सं१ ला २, ३, हे ३,४॥ ७. सिग्धं ५ जेणेव इति प्रतिषु पाठः॥ ८. वीईव हे १ जे१। वीतीव सं १ ला १, २, ३, हे ३, ४॥ ९. सेयपी हे १ जे१॥ १०. सरिसे पुरिसे हे १ जे१। पुरिसपुरिसे हे २॥ ११. उत्तिम हे २॥ १२. वीतीव हे १, २, खं १ विना। १३. 'तीतिकडे हे १ जे १॥ १४. पंचयनं ला२ हे ४ विना ।। १५. कविलयस्स खं१॥ १६. आयनेदि खं १॥ १७. °समा हे३, ४ ला३॥ १८. अमर हे २ खं १ विना॥ १९. तोरणं जाव पासति हे १ जे १ विना। दृश्यतां पृ० ३०९ पं० ७॥ २०. संभग्गा हे १ जे १। दृश्यतां पृ० ३०९ पं०७॥ २१. जंबूदी हे २॥ २२. भूयं हे२॥
Jain Education International
For Private & Personal Use Only
'www.jainelibrary.org |
| SR No. | 001021 |
| Book Title | Agam 06 Ang 06 Gnatadharma Sutra |
| Original Sutra Author | N/A |
| Author | Jambuvijay, Dharmachandvijay |
| Publisher | Mahavir Jain Vidyalay |
| Publication Year | 1990 |
| Total Pages | 737 |
| Language | Prakrit |
| Classification | Book_Devnagari, Agam, Canon, Story, Literature, & agam_gyatadharmkatha |
| File Size | 14 MB |