________________
२५०
णायाधम्मकहंगसुत्ते पढमे सुयक्खंधे [सू० १०३देवलोयाओ आउक्खएणं भवक्खएणं ठिइक्खएणं इहेव तेयलिपुरे तेतलिस्स अमच्चस्स भदाए भारियाए दारगत्ताए पञ्चायाते। तं सेयं खलु मम पुव्वुद्दिट्ठाई महव्वयाई सयमेव उवसंपन्जित्ताणं विहरित्तए । एवं संपेहेति, २ ता सयमेव महव्वयाई आरुहेति, २ जेणेव पमयवणे उज्जाणे तेणेव उवागच्छति, २ असोगवरपायवस्स अहे पुढविसिलापट्टयंसि सुहनिसन्नस्स अणुचिंतेमाणस्स पुव्वाधीताइं सामाइयमाझ्याई चोदस पुवाई सयमेव अभिसमन्नागयाइं। तते णं तस्स तेतलिपुत्तस्स अणगारस्स सुभेणं परिणामेणं जीव तयावरणिज्जाणं कम्माणं खओवसमेणं कम्मरयविकरणकरं अपुव्वकरणं पविट्ठस्स केवलवरणाणदंसणे समुप्पन्ने ।
१०४. तए णं तेतलिपुरे नगरे अहासन्निहिएहिं वाणमंतरेहिं देवेहिं देवीहि १० य देवदुंदुभीओ समाहयाओ, दसद्धवन्ने कुसुमे निवाइए, चेलुक्खेवे दिव्वे
गीयगंधव्वनिनाए कए यावि होत्था । . तते णं से कणगज्झए राया इमीसे कहाए लढे एवं वदासी–एवं खलु तेतलि[पुत्ते मए अवज्झाते मुंडे भवित्ता पव्वतिते, तं गच्छामि णं तेतलिपुत्तं
अणगारं वंदामि नमसामि, २ एयमद्वं विणएणं भुजो भुजो खामेमि, एवं १५ संपेहेति, २ ता पहाए चाउरंगिणीए सेणाए जेणेव पमयवणे उज्जाणे जेणेव
तेतलिपुत्ते अणगारे तेणेव उवागच्छति, २ तेतलिपुत्तं अणगारं वंदति नमंसति, एयमहूँ चं णं विणएणं भुजो भुजो खामेति, नचासन्ने जाव पज्जुवासति। तते णं से तेयलिपुत्ते अणगारे कणगज्झयस्स रन्नो तीसे य महइ[महालियाए परिसाए]
धम्म परिकहेइ। तते णं से कणगज्झए राया तेतलिपुत्तस्स केवलिस्स अंतिए २० धम्मं सोचा णिसम्म पंचाणुव्वइयं सत्तसिक्खावइयं सावगधम्म पडिवजइ, २
समणोवासँए जाते अहिगयजीवांजीवे० । तते णं तेतलिपुत्ते केवली बहूणि वासाणि केवलिपरियागं पाउणित्ता जाव सिद्धे ।
एवं खलु जंबू! समणेणं भगवया महावीरेणं चोद्दसमस्स णायज्झयणस्स अयमढे पण्णत्ते ति बेमि।
॥ चोदसैंमं णायज्झयणं संमत्तं ॥
१. पुव्वुदि जे १ हे १ । पुग्विदि हे २॥ २. जाव नास्ति हे १ जे १॥ ३. देविहि हे २॥ ४. चेलुक्खेवे हे १ जे १ विना नास्ति ।। ५. चउरि हे १॥ ६. च विण हे १ जे१। च णं नास्ति सं १ ला २, ३, हे ४ ॥ ७. णिसम्मा हे १ ला १ विन।। ८. °सए जाव अभि हे १ जे१॥ ९. दृश्यतां पृ० १५२ पं०४॥ १०. समं अज्झयणं समत्तं हे २॥
Jain Education International
For Private & Personal Use Only
www.jainelibrary.org
