Page Text
________________
२४४
५
णायाधम्मकहंग सुत्ते पढमे सुयक्बंधे
[सू० १००
तते णं सा पोट्टिला सुव्वयाहिं अज्जाहिं एवं वुत्ता संमाणा हट्ठ [तुट्ठा ] उत्तरपुर[त्थिमं दिसीभागं अवक्कमति, अवक्कमित्ता ] सयमेव आभरण - मल्लालंकारं ओमुयति, २ सयमेव पंचमुट्ठियं लोयं करेइ, २ जेणेव सुव्वयाओ अजाओ तेणेव उवागच्छइ, २ वंदति नम॑सति, २ ता एवं वदासी - आलित्ते णं भंते! लोए, एवं जहा देवाणंदा जाव एक्कारैंस अंगाई [अहिज्जति, ] बहूणि वासाणि सामन्नपरियागं पाउणइ, मासियाए संलेहणाए अत्ताणं झोसेत्ता सट्टिं भत्ताइं अणसणाए छेदेत्ता आलोइयपडिक्कंता समाहिपत्ता कालमासे कालं किच्चा अन्नतरेसु देवलोएसु देवत्ताए उववन्ना ।
१०१. तते णं से कणगरहे राया अन्नया कयाइ कालधम्मुणा संजुत्ते यावि होत्था । तते णं ते ईसर जाव णीहरणं करेंति, २ अन्नमन्नं एवं वदासी - एवं १० खलु देवाणुपिया ! कणगरहे राया रज्जे य जाव पुत्ते वियंगित्था, अम्हे णं देवाणुपिया ! रायाहीणा रायाहिट्ठिया रायाहीणकज्जा, अयं च णं तेतली अमचे कणगरहस्स रन्नो सव्वट्ठाणेसु सव्वभूमियासु लद्धपच्चए दिन्नवियारे सव्वकज्जवट्टावए यावि होत्या, तं सेयं खलु अम्हं तेतलिपुत्तं अमचं कुमारं जातित्तए त्ति कट्टु अन्नमन्नस्स एयमङ्कं पडि सुर्णेति, २ जेणेव तेतलिपुत्ते अमच्चे तेणेव उवागच्छंति, १५ २ तेयलिपुत्तं एवं वदासी — एवं खलु देवाणुप्पिया ! कणगरहे राया रज्जे य रट्ठे य जाव 'वियंगेइ, अम्हे य णं देवाणुप्पिया ! रायाहीणा जाव रायाहीणकज्जा, तुमं च णं देवाणुप्पिया ! कणगरहस्स रण्णो सव्वट्ठाणेसु जाव रज्जधुराचितए । तं जइ णं देवाणुप्पिया ! अत्थि केइ कुमारे रॉयलक्खणसंपन्ने अभिसेयारिहे 'तं णं तुमं अम्हं दलाहि, जाणं अम्हे महया २ रायाभिसेएणं अभिसिचामो ।
२०
तए णं तेतलिपुत्ते तेसिं ईसर - [तलवर - माडंचिय- कोटुंबिय - इन्भ-सेट्ठि सेणावइसत्थवाहपभिईणं ] एतमट्टं पडिसुणेति, २ त्ता कणगज्झयं कुमारं व्हायं जाव सस्सिरीयं करेत्ता तेर्सि ईसर जाव उवणेति, २ त्ता एवं वदासी - एस णं देवाणुप्पिया ! कणगरहस्स रण्णो पुत्ते पउमावतीए देवीए अंत्तए कणगज्झए नामं कुमारे अभिसेयारिहे
१. समणा है २ ॥ २. दृश्यतां भगवतीसूत्रे ९ |३३|१६ || ३. रसंगाई से १ ला १, २, ३, हे ३,४ ॥] ४. कयाई हे १ । कयाई हे २ जे १ । कयाति खं १ सं १ ला २, ३ ४ || ५. वियंगेइ इति पाठो यद्यपि हस्तलिखितादर्शेषु अत्र वर्तते, तथापि पृ० २४४ पं० १० अनुसारेण वियंगिस्था इति पाठोऽत्र शोभनः प्रतीयते ॥ ६. अम्हे णं सं १ ला २, ३, हे ३, ४ ॥ ७. रायलखणसंपन्ने अभिसेयारिहे रायलक्खणसंपन्ने तं जे १ । रायलक्खणसं पुन्ने अभिसेयारिहे तं हे १ । रायलक्खणसंपन्ने राय भिसेयारिहे तं ला१॥ ८. तं तुमं ला १ । सए णं तुमं हे १ जे १ ॥ ९. जण्ण हे १ । जनं जे १ ॥ १०. अत्तिए जे १ ॥
Jain Education International
For Private & Personal Use Only
www.jainelibrary.org
| SR No. | 001021 |
| Book Title | Agam 06 Ang 06 Gnatadharma Sutra |
| Original Sutra Author | N/A |
| Author | Jambuvijay, Dharmachandvijay |
| Publisher | Mahavir Jain Vidyalay |
| Publication Year | 1990 |
| Total Pages | 737 |
| Language | Prakrit |
| Classification | Book_Devnagari, Agam, Canon, Story, Literature, & agam_gyatadharmkatha |
| File Size | 14 MB |