________________
[पंचमं अज्झयणं 'सेलगे']
५२. जति णं भंते! समणेणं भगवया महावीरेणं चउत्थस्स नायज्झयणस्स अयमढे पण्णते, पंचमस्स णायज्झयणस्स के अढे पण्णत्ते? एवं खलु जंबू ! ते णं काले णं ते णं समए णं बारवती नाम नयरी होत्था, पाईणपडीणायया उदीणदाहिणवित्थिण्णा नवजोयणवित्थिण्णा दुवालसजोयणायामा धणवतिमतिजिम्माया चामीयरपवरपागारा णाणामणिपंचवण्णकविसीसंगसोहिया अलयापुरिसंकासा पमुतियपक्कीलिया पचक्खं देवलोगभूता ।
तीसे णं बारवतीए णगरीए बहिया उत्तरपुरस्थिमे दिसीभागे रेवतगे णाम पव्वए होत्था, तुंगे गगणतलमणुलिहंतसिहरे णाणाविहगच्छ-गुम्म-लता-वैलिपरिगते हंस-संस-मिग-मयूर-कोंच-सारस-चक्कवाय-मयणसाल-कोइलकुलोववेए अणेगतँड. १० कडग-वियर-उज्झर-पवाय-पन्भार-सिहरपउरे अच्छरगण-देवसंघ-चारण-विजाहरमिहुणसंविचिण्णे निच्चच्छणए दसारवरवीरपुरिसतेलोक्कबलवंगाणं, सोमे सुभगे पियदंसणे सुरूवे पासातीए ४'।
तस्स णं रेवयगस्स अदूरसामंते एत्थ णं णंदणवणे नाम उजाणे होत्था, सव्वोउयपुप्फफलसमिद्धे रम्मे नंदणवणप्पगासे पासातीए ४ । तस्स णं उज्जाणस्स १५ बहुमज्झदेसभाए सुरप्पिए नाम जक्खाययणे होत्था, दिव्वे. वण्णओ।
तत्थ णं बारवतीए णयरीए कण्हे नामं वासुदेवे राया परिवसती। से णं तत्थ समुद्दविजयपामोक्खाणं दसण्हं दसाराणं, बलदेवपामोक्खाणं पंचण्हं महावीराणं, उग्गसेणपामोक्खाणं सोलसण्हं रायसहस्साणं, पजन्नपामोक्खाणं अद्भुट्टाणं कुमारकोडीणं, संबपामोक्खाणं सट्ठीए दुइंतसाहस्सीणं, वीरसेणपामोक्खाणं एक्कवीसाए वीरसाहस्सीणं, महासेणपामोक्खाणं छप्पन्नाए बैलबैंगसाहस्सीणं,
१. °सीससोहिया सं १ ला ३ ॥ गुच्छ हे १ लासं०३ ॥ ३. वेल्लि° खं १॥ ४. °सस जे १ विना नास्ति ॥ ५. प्रसारसकोंचचक्क जे१॥ ६."चक्काग ति चक्रवाकः"-अटी०॥ ७. °तडागकडग जे१। “अनेकानि तटानि कटकाश्च गण्डशैला यत्र स तथा"-अटी.॥ ८. घग्गाणं जे १। "तेलोकबलवगाणं तैलोक्यादपि बलवन्तोऽतुलबलनेमिनाथयुक्तत्वात्"अटी०॥ ९. अत्र '४' इत्यकेन 'पासातीए दरिसगिजे अभिरुवे पडिरूवे' इति पाठो विवक्षितः, एवमग्रेऽपि सर्वत्र ॥ १०. सुरभिए जे १ ॥ ११. रायस जे १ हे १ विना॥ १२. महसेण खं॥ १३. बल नास्ति खं१॥ १४. वग्ग जे१। दृश्यतां टि०८॥
Jain Education International
For Private & Personal Use Only
www.jainelibrary.org
