Page Text
________________
५१]
चउत्थं अज्झयणं 'कुम्मे' ण संचाएंति तेसिं कुम्मगाणं 'किंचि सरीरस्स औबाहं वा पबाहं वा वाबाई वा उप्पाइत्तए छविच्छेदं वा करेत्तए । तते णं ते पावसियालगा ते कुम्मए दोचं पि तचं पि सव्वतो समंता उव्वत्तेति जाव नो चेव णं संचाएंति करेत्तए। ताहे संता तंता परितंता निविण्णा समाणा सणियं सणियं पच्चोसक्केंति, २ त्ता एंगंतमवक्कमंति, २ निचला निष्फंदा तुसिणीया संचिट्ठति ।
तत्थ णं एगे कुम्मगे ते पावसियालए चिरगते दूरगए जाणित्ता सणियं सणियं एंगं पायं 'निच्छुभति । तते णं ते पावसियाला तेणं कुम्मएणं सणियं सणियं एगं पायं निणियं पासंति, २ ता सिग्धं चवलं तुरियं चंडं जतिणं वेगितं जेणेव से कुम्मए तेणेव उवागच्छंति, २ तस्स 'णं कुम्मगस्स तं पायं नक्खेहिं आलुपंति, दंतेहिं अक्खोडेंति, ततो पच्छा मंसं च सोणियं च आहारेंति, २ ता तं कुम्मगं १० सव्वतो समंता उव्वत्तेति जाव नो चेव णं संचाएंति कैरेत्तए ताहे 'दोचं पि अवकमंति, एवं चत्तारि वि" पाया जाव सणियं सणियं गीवं 'णीणेति । तते णं ते पावसियालगा तेणं कुम्मएणं गीवं णीणियं पासंति, पासित्ता सिग्धं चवलं तुरियं चंडं जइणं वेइयं जाव नहेहिं दंतेहिं ये कवालं विहाडेंति, २ ता तं कुम्मगं जीवियाओ ववरोवेंति, २ ता मंसं च सोणियं च आहारेंति। एवामेव १५ समणाउसो! जो अम्हं निग्गंथो वा निग्गंथी वा आयरिय उवज्झायोणं अंतिए पव्वतिए सँमाणे, पंच य से इंदिया अगुत्ता भवंति से णं इह भवे चेव बहूणं समणाणं ४" हीलणिज्जे [निंदणिजे खिंसणिजे गरहणिजे परिभवणिजे], परलोगे
१. किंचि जे १ विना नास्ति ॥ २. गं हे २ मु० विना नास्ति ॥ ३. प्रतिषु पाठाः-आबाहं वा उप्पाजे १। बाबाहं वा वाबाहं वा उप्पा ला १ हे ३। आबाहं वावोहं वा उप्पा खं१ । भबाहं वाबाहं वा उप्पा ला २,३ हेमू०१ हे ४ । अबाहं वादाहं वा उप्पा सं१। भाबाई वाबाहं वा उप्पा हेसं १ । आबाहं वा पवाहं वा उप्पा' हे २। “भाबाधाम् ईषद् बाधां प्रबाधां प्रकृष्टां बाधां व्याबाधां चा"-अटी० ॥ ४. कारावित्तए खं१ ॥ ५. परित्ता खं१। "परितान्ती उभयतः”—अटी०॥ ६. एगते अवक्क जे १॥ ७. दूरं गए हे २ विना॥ ८. एगपायं खं १ ॥ ९. निच्छुब्भइ हे २॥ १०. णं नास्ति जे १॥ ११. नखेहिं से १ खं १ विना॥ १२. करेत्तए वाहे नास्ति खं १॥ १३. दोच्चं अव हे २, ३ जे १। दोच्चं एगन्तमव खं १ ॥ १४. वि नास्ति से १ ला३ ॥ १५. नीणेइ २ तए जे १ से १ ला३॥ १६. तुरियं चंडं जइर्ण वेइयं जाव खं १ विना नास्ति ॥ १७. य हे २ विना नास्ति ॥ १८. समणाउसो समणीभो जो सं१॥ १९. °याणं वा अंतिए सं१ ला ३ ॥ २०. "समाणे इत्यत्र विहरतीति शेषो द्रष्टव्यः"-अटी०॥ २१. अत्र '४' इत्यङ्केन 'बहूणं समणाणं बहूणं समणीणं बहूणं सावयाणं बहूर्ण साधियाणं' इति पाठो विवक्षितः। दृश्यतां पृ० ९२ पं० १९॥
Jain Education International
For Private & Personal Use Only
www.jainelibrary.org
| SR No. | 001021 |
| Book Title | Agam 06 Ang 06 Gnatadharma Sutra |
| Original Sutra Author | N/A |
| Author | Jambuvijay, Dharmachandvijay |
| Publisher | Mahavir Jain Vidyalay |
| Publication Year | 1990 |
| Total Pages | 737 |
| Language | Prakrit |
| Classification | Book_Devnagari, Agam, Canon, Story, Literature, & agam_gyatadharmkatha |
| File Size | 14 MB |