Agam 06 Ang 06 Gnatadharma Sutra

SR No.: 001021
Original Sutra Author: N/A
Author: Jambuvijay, Dharmachandvijay
Publisher: Mahavir Jain Vidyalay
Publication Year: 1990
Total Pages: 737
Language: Prakrit
Classification: Book_Devnagari, Agam, Canon, Story, Literature, & agam_gyatadharmkatha
File Size: 14 MB

Page 254

४१]
बीयं अज्झयणं 'संघाडे '
एते अवक्कमित्ता उच्चारपासवणं परिट्ठवेहि । तते णं से धणे सत्थवाहे विजएणं तक्करेणं एवं वृत्ते समाणे तुसिणीए संचिट्ठति ।
तते णं से धणे सत्थवाहे मुहुत्तंतरस्स बलियतरागं उच्चार- पासवणेणं उब्बाहिज्जमाणे विजयं तक्करं एवं वैदासी — एहि ताव विजया ! जाव अवक्कमामो । तते णं से विजए तैक्करे धणं सत्थवाहं एवं वैदासी - जइ णं तुमं देवाणुप्पिया ! ताओ विउलाओ असण ४ संविभागं करेहि तैतो हं तुमेहिं सद्धिं एगंतं अवक्कमामि । तते णं से धणे सत्थवाहे विजयं एवं वदासी - अहं णं तुझं ताँतो विपुलातो असण ४ संविभागं करिस्सामि । तते णं से विजए घणस्स सत्यवाहस्स एतमहं पडिसुणेति । तते णं से विजए धणेणं संत्थवाहेणं सद्धि एगंते अवक्कमेति, [२] उच्चारपासवणं परिद्ववेति, २ आयंते चोक्खे परमसुइभूते तमेव ठाणं उवसंकमित्ताणं विहरति ।
तणं सा भद्दा कलं जाव जलते विपुलं असणं ४ जाव परिवेसेति । तते णं से धणे सत्थवाहे विजयस्स तक्करस्स तातो विपुलातो असण ४ संविभागं करेति । तते णं से धणे सत्थवाहे पंथयं दासचेडं विसज्जेति । तते णं से पंथए भोयपिडयं गहाय चारगाओ पडिनिक्खमति, २ त्ता रायगिहं नगरं मज्झंमज्झेणं जेणेव सए "गिहे जेणेव भद्दा भारिया तेणेव उवागच्छइ, उवागच्छित्ता हूं एवं वयासी — एवं खलु देवाणुप्पिए ! धणे सत्थवाहे तव पुत्तधायगस्स जाव पच्चामित्तस्स ताओ विपुलाओ असण ४ संविभागं करेति । तते णं सा भद्दा सत्थवाही "पंथयस्स दासचेडस्स अंतिए एयमहं सोचा आसुरुत्ता रुट्ठा जाव मिसिमिसेमाणी धणस्स सत्थवाहस्स पओसमावज्जति । तते णं से धणे सत्थवाहे अन्नया कयाइ मित्त-नाति-नियग-सयण-संबंधि - परियणेणं सएण य अत्थसारेणं रायकज्जातो अप्पाणं मोयावेति, २ त्ता चारगसालोभ पडिनिक्खमति, २ ता
१, वदासि जे १ ला १ ॥ २. तक्करे जे १ विना नास्ति । ३. वयासि जे १ ख १ ॥ वदासि हे १ ॥ ४. ततो खं १ हे १, ३, ४, ला १ ॥ ५. तभो तुमं सद्धिं जे १ ॥ ६. अह णं सं १ ला ३ हे ३ । अहणणं जे १ । अन्नं खं १ । अहन्नं हे २ । ७. तभी हे २ ॥ ८. तप धणस्स जे १ ॥ ९. से धणे त्रिजएणं सद्धिं ला २ हेसं ० ४ ॥ १०. सत्थवाहेणं नास्ति सं १ ला ३ खं १ विना ॥ ११. असण ४ जाव संवि जे १ । असणं संवि सं १ । १२. पडियं जे १ ॥ १३. गेहे जे १ हे २ || १४. भद्दं सत्थवाहिणिं एवं मु० ॥ १५. विपुल असण सं १ लामू० ३ हे ३ || १६. पंथरस खं १ विना । पंथय दास जे १ ॥ १७. चेडयरस ला २ मु० ॥ १८. लातो णिक्खमइ सं १ लामू० ३ ॥
८९
१०
२०