Agam 06 Ang 06 Gnatadharma Sutra

SR No.: 001021
Original Sutra Author: N/A
Author: Jambuvijay, Dharmachandvijay
Publisher: Mahavir Jain Vidyalay
Publication Year: 1990
Total Pages: 737
Language: Prakrit
Classification: Book_Devnagari, Agam, Canon, Story, Literature, & agam_gyatadharmkatha
File Size: 14 MB

Page 248

बीयं अज्झयणं 'संघाडे' ततिए मासे वट्टमाणे इमेयारूवे दोहले पाउन्भूते-धन्नाओ णं ताओ अम्मयाओ जाव कयलक्खणाओ ताओ अम्मयाओ जाओ णं विउलं असणं ४ सुबहुयं पुप्फवत्थ-गंध-मल्लालंकारं गहाय मित्त-नाति-नियग-सयण-संबंधि-परियणमहिलियाहि य सद्धिं संपरिवुडाओ रायगिहं नगरं मझमज्झेणं निग्गच्छंति, २ जेणेव पुक्खरिणी तेणेव उवागच्छंति, २ ता पोक्खरिणी ओगाहंति, २ त्ता ण्हायाओ कयबलिकम्माओ ५ सव्वालंकारविभू सियाओ तं विपुलं अंसण ४ आसाएमाणीओ जाव परिभंजमाणीओ दोहलं विणेति । एवं संपेहेति, २ त्ता कलं जाव जलंते जेणेव धणे सत्थवाहे तेणेव उवागच्छति, २ ता धणं सत्थवाहं एवं वदासी–एवं खलु देवाणुप्पिया! मम तस्स गब्भस्स जाव विणेति। तं इच्छामि णं देवाणुप्पिया ! तुब्भेहिं अब्भणुण्णाता समाणी जाव विहरित्तए। अहासुहं देवाणुप्पिया ! मा पडिबंध। १०
तते णं सा भद्दा [सत्यवाही] धणेणं सत्थवाहेणं अब्भणुण्णाया समाणी हट्ठा जाव "विपुलं असण ४ जाव हाया जाव उल्लपडसाडगा जेणेव नागघरते जाव धूवं दहति, २ पणामं करेति, पणामं करेता जेणेव पोक्खरिणी तेणेव उवागच्छति, २ तते णं ताओ मित-नाति जाव नगरमहिलाओ भैई सत्थवाहिं सव्वालंकारविभूसितं करेंति। तते णं सा भद्दा सत्थवाही ताहि मित्त-नाति-नियग-सयण-संबंधि-परिजण- १५ णागरमहिलियाहिं सद्धिं तं विपुलं असणं ४ जाव परिभुंजमाणी य दोहलं विणेति, २ ता जामेव "दिसि पाउन्भूता तामेव दिसि पडिगया। तते णं सा भद्दा सत्थवाही संपुण्णडोहला जाव तं गम्भं सुहंसुहेणं परिवहति ।
१. °णामो णं तामओ मु०॥ २. विउलं ४ असणं सुबहुयं असणं पुप्फ जे१। विउलं असण सुबहुयं पुप्फ जे १ विना ॥ ३. पुप्फगंध जे १ विना ॥ ४. पुक्खरणी खं १ । पोक्खरिणी से१॥ ५. उवगच्छंति पहायाओ सं १॥ ६. पोक्खरिणी मोगाहिंति २ त्ता जे१। पुक्खरणी तोगार्हति २ ख १ । पोखरिणी ओगाहिंति २ मु०॥ ७. °यामओ विपुलं जे १ विना ॥ ८. अत्र ४ इत्यनेन असण-पाण-खाइम-साइमं इति असणं पाणं खाइमं साइमं इति वा पाठो ग्राह्यः। मसणं ४ मु०॥ ९. 'मम तस्स गब्भस्स' इत्यतः परं 'दोसु मासेसु वीतिक्कतेसु' इत्यादिः पूर्व[पृ० ८२ पं०१८ निर्दिष्टः पाठो बोध्यः।। १०. विपुलं ४ जाव हे १,२ विना॥ ११. उल्लपडा जे १॥ १२. करेइ २ त्ता जेणेव जे १। करेंति २ त्ता जेणेव हे १ । अन्यत्र ‘करेति, पणामं करेत्ता जेणेव' इति पाठः। एवं चात्र तात्पर्यम् –'२' इत्यनेन संक्षेपेण क्त्वाप्रत्ययान्तः पूर्वो धातुह्यते, किन्तु विस्तरविवक्षायां सम्पूर्ण पूर्ववाक्यमपि गृह्यते ॥ १३. पुक्ख जे १॥ १४. भद्दा सत्थवाहिणी सम्वालंकारविभूखियाओ करेंति जे १॥ १५. हे ३ विना-वाही हे २, ४ ख १ ला। वाही सं १ ला३ । वाहं हे १। दृश्यतामुपरितनं टिप्पणम् ॥ १६. असण ४ जे १ विना ॥ १७. दिसं जे १॥