________________
णायाधम्मकहंगसुत्ते पढमे सुयक्वंधे [सू० २३नगरस्स मज्झमज्झेणं जेणामेव सए भवणे 'तेणामेव उवागच्छति, उवागच्छित्ता चाउग्घंटाओ [आसरहाओ] पचोरुहति, पचोरुहित्ता जेणामेव अम्मापियरो तेणामेव उवागच्छति, उवागच्छित्ता अम्मापिऊणं पायवडणं करेति, करित्ता एवं
वदासी-एवं खलु अम्मयातो! मए समणस्स भगवतो महावीरस्स अंतिए धम्मे ५ णिसंते, से वि य मे धम्मे इच्छिते पडिच्छित अभिरुइए।
तते ण तस्स मेहस्स कुमारस्स अम्मापियरो एवं वदासी-धन्नो सि तुमं जाया !, संपुन्नो कयत्थो कयलक्खणो सि तुमं जाया !, जन्नं तुमे समणस्स [भगवओ महावीरस्स] अंतिए धम्मे णिसंते, से वि य ते धम्मे इच्छिते पडिच्छिते अभिरुइते। ___ तते णं से मेहे कुमारे अम्मापियरो दोचं पि तचं पि एवं वदासी–एवं खलु अम्मताओ! मए समणस्स भगवओ महावीरस्सं अंतिए धम्मे निसंते, से वि य धम्मे इच्छिए पडिच्छिए अभिरुइँए। तं इच्छामि णं अम्मतातो! तुब्भेहिं अब्भणुण्णाते समाणे समणस्स भगवतो [महावीरस्स] अंतिए मुंडे भवित्ताणं अगारातो अणगारियं पव्वइत्तए ।
तते णं सा धारिणी देवी तमणिटुं अकंतं अप्पियं अमणुण्णं अमणामं असुयपुव्वं फरुसं गिरं सोचा णिसम्म इमेणं एतारूवेणं मणोमाणसिएणं महया पुत्तदुक्खेणं अभिभूता समाणी सेयागयरोमकूवपगलंतविलीणगाया सोयभरपवेवियंगी णित्तेया दीणविमणवयणा, करयलमलियव्व कमलमाला तक्खणओलँग्गदुब्बलसरीरलायण्णसुन्ननिच्छायगयसिरीया, पसिढिलभूसणपडतखुम्मियसंचुण्णियधवलवलयपन्भट्ठउत्तरिजा सूमालविकिण्णकेसहत्था, मुच्छावसढुंचेयसि गरुई, परसुनियत्तव्व चंपगलया, निव्वत्तमहेव्व इंदलट्ठी विमुक्कसंधिबंधणा कोट्टिमतलंसि सव्वंगेहिं धसत्ति पडिया। तते णं सा धारिणी देवी ससंभमोवत्तियाए तुरियं कंचणभिंगारमुहविणि
१. तेणेव जे १॥ २. °रुभति खं १ ॥ ३. यामओ खं १ विना ।। ४. रुईए हे १, २, सं १ ला ३॥ ५. रुईर हे १, २। रुतिते सं १ ला ३॥ ६. वयासि जे १॥ ७. अम्मयामो सं १ ला ३ विना । अम्मयातो खं १ हे १,४॥ ८. स्संतिए जे १॥ ९. इच्छिय पडि खं १ हे १॥ १०. रुईए हे १। रुतिते सं१॥ ११. अस्सुय जे१ हे २॥ १२. परुसं जे१॥ १३. णिसम्मा खं१ सं १ ला ३॥ १४. गाय हे २॥ १५. ओलग्ग सं १ हे ३॥ १६. सुकुमाल जे१॥ १७. खं१ हे २ विना-चेयणगरुई हे १ । चेयगरुई जे १। चेयगरुइ हे ३। चेयगरुई सं १ ला २, ३ हे ४ | "मूविशान्नष्टे चेतसि सति गुर्वी"-अटी०॥ १८.तलंमि से १॥
Jain Education International
For Private & Personal Use Only
www.jainelibrary.org
