________________
सु० २३३-५०] अभितरतवपरूवणा
१०६७ २४०. रोद्दे झाणे चउन्विधे पन्नत्ते, तं जहा–हिंसाणुबंधी मोसाणुबंधी, तेयाणुबंधी, सारक्खणाणुबंधी।
२४१. रोदस्स झाणस्स चत्तारि लक्खणा पन्नत्ता, तं जहा–उस्सन्नदोसे बहुदोसे अण्णाणदोसे आमरणंतदोसे ।
___ २४२. धम्मे झाणे चउन्विहे चउपडोयारे पन्नत्ते, तं जहा --आणाविजये, ५ अवायविजये विवागविजये संठाणविजये।
२४३. धम्मस्स णं झाणस्स चत्तारि लक्खणा पन्नत्ता, तं जहा---- आणारुयी निसग्गरुयी सुत्तरुयी ओगाढरुयी।
२४४. धमस्स णं झाणस्स चत्तारि आलंबणा पन्नत्ता, तं जहा—वायणा पडिपुच्छणा परियट्टणा धम्मकहा।
२४५. धम्मस्स णं झाणस्स चत्तारि अणुपेहाओ पन्नत्ताओ, तं जहाएगत्ताणुपेहा अणिचाणुपेहा असरणाणुपेहा संसाराणुपेहा।
२४६. सुक्के झाणे चउम्विधे चउपडोयारे पन्नचे, तं जहा-पुहत्तवियक्के । सवियारी, एगत्तवियक्के अवियारी, सुहुमकिरिए अनियट्टी, समोछिन्नकिरिए अप्पडिवाई।
२४७. सुक्कस्स णं झाणस्स चत्तारि लक्खणा पन्नत्ता, तं जहा–खंती मुत्ती अजवे मद्दवे।
२४८. सुक्कस्स णं झाणस्स चत्तारि आलंबणा पन्नत्ता, तं जहाअव्वहे असम्मोहे विवेगे विओसग्गे।
२४९. सुक्कस्स णं झाणस्स चत्तारि अणुपेहाओ पन्नत्ताओ, तं जहा- २० अगंतवत्तियाणुप्पेहा विप्परिणामाणुप्पेहा असुभाणुपेहा अवायाणुपेहा । से तं झाणे।
[सु. २५०-५५. विओसग्गअभितरतवभेय-पभैयपरूवणं]
२५०. से किं तं विओसग्गे १ विओसग्गे दुविधे पन्नत्ते, तं जहादव्वविओसग्गे य भावविओसग्गे य ।
१. अम्ममाणे ला ४॥
Jain Education International
For Private & Personal Use Only
www.jainelibrary.org
