________________
वियाहपण्णत्तिसुत्तं
[स०२५ उ०७ २३३. से किं तं अप्पसत्थकायविणए ? अप्पसत्थकायविणए सत्तविधे पन्नत्ते, तं जहा-अणाउत्तं गमणं, जाव अणाउत्तं सम्विदियजोगजुंजणया। से तं अप्पसत्थकायविणए। से तं कायविणए।
२३४. से किं तं लोगोवयारविणए ? लोगोवयारविणए सत्तविधे पन्नत्ते, ५ तं जहा-अब्भासवत्तियं, परछंदाणुवत्तियं, कजहेतुं, कयपडिकैतया, अत्तगवेस
णया, देसकालण्णया, सव्वत्थेसु अपडिलोमया। से तं लोगोवयारविणए। से तं विणए।
[सु. २३५-३६. वेयावच्च-सज्झायआभतरतवभेयपरूवणं]
२३५. से किं तं वेयावचे ? वेयावच्चे दसविधे पन्नत्ते, तंजहा-आयरिय१० वेयावच्चे उवज्झायवेयाक्चे थेरवेयावच्चे तवस्सिवेयावचे गिलाणवेयावच्चे सेहवेयावच्चे कुलवेयावच्चे गणवेयावच्चे संघवेयावचे साहम्मियवेयावच्चे। से तं वेयावच्चे।
२३६. से किं तं सज्झाए ? सज्झाए पंचविधे पन्नत्ते, तंजहा-वायणा पडिपुच्छणा परियट्टणा अणुप्पेहा धम्मकहा। से तं सज्झाए।
[सु. २३७-४९. झाणअभितरतवभेय-पभयाइपरूवणं] १५ २३७. से किं तं झाणे १ झाणे चउन्विधे पन्नत्ते, तं जहा अट्टे झाणे, रोद्दे झाणे, धम्मे झाणे, सुक्के झाणे।
२३८. अट्टे झाणे चउविहे पण्णत्ते, तं जहा-अमणुण्णसंपयोगसंपउत्ते तस्स विप्पयोगसतिसमन्नागते यावि भवति १, मणुण्णसंपयोगसंपउत्ते तस्स
अविप्पयोगसतिसमन्नागते यावि भवति २, आयंकसंपयोगसंपउत्ते तस्स विप्पयोग२. सतिसमन्नागते यावि भवति ३, परिझुसियकामभोगसंपउत्ते तस्स अविप्पयोगसतिसमन्नागते यावि भवति ४ ।
२३९. अट्टस्स णं झाणस्स चत्तारि लक्खणा पन्नत्ता, तं जहा-कंदणया सोयणया तिप्पणया परिदेवणया। १. "कृतप्रतिकृतता नाम विनयात् प्रसादिता गुरवः श्रुतं दास्यन्तीत्यभिप्रायेणाशनादिदानप्रयत्नः" अवृ०, अत्र मुद्रितवृत्तौ ‘कृतप्रतिकृतिता' इत्यस्ति । कतियाए, भत्त' ला ४ जे० । कतिया मु० ला १। कतयाते, पत्त जं०॥ २. 'आर्तगवेषणता' इत्यर्थः ॥ ३. भट्टे रुहे मम्मे सुके खाणे ला ४॥ ४. महज्ज्ञाणे ला ४॥ ५. गसंपभोगसंप जे. जं० विना॥
Jain Education International
For Private & Personal Use Only
www.jainelibrary.org
