________________
९७६
[स०२५ उ०३
वियाहपण्णत्तिसुत्तं ४. एवं जाव अणित्थंथा। ५. एवं पदेसठ्ठताए वि।
१०
[सु. ६. छण्हं संठाणाणं दव्वट्ठयाईहिं अप्पाबहुयं]
६. एएसि णं भंते ! परिमंडल-वट्ट-तंस-चतुरंस-आयत-अणित्थंथाणं संठा५ णाणं दव्वट्ठयाए पएसठ्ठताए दवट्ट-पदेसट्टयाए कयरे कयरेहिंतो जाव विसेसाहिया
वा? गोयमा ! सव्वत्थोवा परिमंडला संठाणा दव्वट्ठयाए, वट्टा संठाणा दव्वट्ठयाए संखेजगुणा, चउरंसा संठाणा दव्वट्टयाए संखेजगुणा, तंसा संठाणा दवट्ठयाए संखेजगुणा, आयता संठाणा दव्वट्ठयाए संखेजगुणा, अणित्थंथा संठाणा दव्वट्ठयाए असंखेजगुणा। पएसट्ठताए-सव्वत्थोवा परिमंडला संठाणा पएसट्टयाए, वट्टा संठाणा पएसट्टयाए संखेजगुणा, जहा दव्वट्ठयाए तहा पएसट्टताए वि जाव अणित्थंथा संठाणा पएसट्टयाए असंखेजगुणा। दव्वट्ठपएसट्ठयाए-सव्वत्थोवा परिमंडला संठाणा दव्वट्ठयाए, सो चेव दव्वट्ठता
गमओ भाणियव्वो जाव अणित्थंथा संठाणा दव्वट्ठयाए असंखेजगुणा। अणि१५ त्थंथेहितो संठाणेहिंतो दव्वट्ठयाए, परिमंडला संठाणा पएसट्टयाए असंखेजगुणा;
वट्टा संठाणा पएसट्टयाए असंखेजगुणा, सो चेव पएसट्ठयाए गमओ भाणियव्यो जाव अणित्थंथा संठाणा पएसट्टयाए असंखेजगुणा।
[सु. ७-१० संठाणाणं भेयपणगं अणंतत्तं च]
७. कति णं भंते ! संठाणा पन्नत्ता १ गोयमा ! 'पंच संठाणा पन्नत्ता, २० तंजहा-परिमंडले जाव आयते।
८. परिमंडला णं भंते ! संठाणा किं संखेज्जा, असंखेज्जा, अणता ? गोयमा ! नो संखेजा, नो असंखेज्जा, अणंता।
९. वट्टा णं भंते ! संठाणा किं संखेजा० १ एवं चेव। १०. एवं जाव आयता।
१. " इह षष्ठसंस्थानस्य तदन्यसंयोगनिष्पन्नत्वेन अविवक्षणात् ‘पञ्च' इत्युक्तम्" अवृ०॥
Jain Education International
For Private & Personal Use Only
www.jainelibrary.org
