________________
सु० ७०-८१] नरयोववजंतपजत्तसन्नितिरिक्खम्मि उववायाइदाराई [सु. ७७-८०. सक्करप्पभाइतमापुढविनरयउवधजंतम्मि पज्जत्तसन्निसंखेज्जवासाउयपंचेंदियतिरिक्खजोणियम्मि उववाय-परिमाणाइवीसइदारपरूवणं]
७७. पजत्तासंखेजवासाउयसण्णिपंचिंदियतिरिक्खजोणिए णं भंते ! जे भविए सक्करप्पभाए पुढवीए णेरइएसु उववज्जित्तए से णं भंते ! केवतिकालद्वितीएसु उववजेज्जा ? गोयमा ! जहन्नेणं सागरोवमद्वितीएसु, उक्कोसेणं ५ तिसागरोवमट्टितीएसु उववजेजा ।
७८. ते णं भंते ! जीवा एगसमएणं० १ एवं जं चेव रयणप्पभाए उववज्जतगस्स लद्धी स चेव निरवसेसा भाणियव्वा जाव भवादेसो त्ति। कालादेसेणं जहन्नेणं सागरोवमं अंतोमुहुत्तमभहियं, उक्कोसेणं बारस सागरोवमाई चउहिं पुव्वकोडीहिं अब्भहियाई; एवतियं जाव करेजा।
७९. एवं रयणप्पभपुढविगमगसरिसा नव वि गमगा भाणियव्वा, नवरं सव्वगमएसु वि नेरइयद्विती-संवेहेसु सागरोवमा भाणितव्वा ।
८०. एवं जाव छट्ठपुढवि त्ति, णवरं नेरइयठिती जा जत्थ पुढवीए जहन्नुक्कोसिया सा तेणं चेव कमेणं चउग्गुणा कायव्वा, वालुयप्पभाएं अट्ठावीसं सागरोवमा चउग्गुणिया भवंति, पंकप्पभाए चत्तालीसं, धूमप्पभाए अट्ठसटिं, तमाए १५ अट्ठासीति । संघयणाई वालुयप्पभाए पंचविहसंघयणी, तं जहा-वइरोसभनारायं जाव खीलियासंघयणी। पंकप्पभाए चउब्विहसंघयणी। धूमप्पभाए तिविहसंघयणी। तमाए दुविहसंघयणी, तं जहा—वइरोसभनारायसंघयणी य उसभनारायसंघयणी य । सेसं तं चेव।
[सु. ८१-९१. अहेसत्तमनरयउपवजंतम्मि पजत्तसन्निसंखेजवासाउयपंचें- २०
दियतिरिक्खजोणियम्मि उपवाय-परिमाणाइवीसइदारपरूषणं]
८१. पज्जत्तासंखेज्जवासाउय जाव तिरिक्खजोणिए णं भंते ! जे भविए अहेसत्तमपुढविनेरइएसु उववन्जित्तए से णं भंते ! केवतिकालद्वितीएसु उववजेज्जा ? गोयमा ! जहन्नेणं बावीससागरोवमद्वितीएसु, उक्कोसेणं तेत्तीससागरोवमट्टितीएसु उववजेजा।
1. जहेव मु० ॥ २. तगमगस्स मु०॥ ३. °ए पुढवीए अट्ठावीसं सागरोवमाई चउ° मु०॥ ४. °यसंघयणी जाव मु०॥
Jain Education International
For Private & Personal Use Only
www.jainelibrary.org
