________________
सु० १-२४] जीवाईसु विविहदारेहिं पढमत्त-अपढमत्तनिरूवणं
१०. एवं जाव वेमाणिए। ११. पोहत्तिए एवं चेव।
१२. अणाहारए णं भंते ! जीवे अणाहारभावेणं० पुच्छा। गोयमा ! सिय पढमे, सिय अपढमे ।
१३. नेरतिए णं भंते !० १ एवं नेरतिए जाव वेमाणिए नो पढमे, ५ अपढमे।
१४. सिद्धे पढमे, नो अपढमे ।
१५. अणाहारगा ण भंते ! जीवा अणाहारभावेणं० पुच्छा ! गोयमा ! पढमा वि, अपढमा वि।
१६. नेरतिया जाव वेमाणिया णो पढमा, अपढमा ।
१७. सिद्धा पढमा, नो अपढमा। एकेके पुच्छा भाणियव्वा । [सु. १८-२२. जीव-चउवीसइदंडय-सिद्धेसु एगत्त-पुहत्तेणं जहाजोगं
भवसिद्धियाइभावं पडुच्च पढमत्त-अपढमत्तनिरूपणं] १८. भवसिद्धीए एगत्त-पुहत्तेणं जहा आहारए (सु० ९-११)। १९. एवं अभवसिद्धीए वि।
२०. नोभवसिद्धीय-नोअभवसिद्धीए णं भंते ! जीवे नोभव० पुच्छा। गोयमा ! पढमे, नो अपढमे।
२१. णोभवसिद्धीय नोअभवसिद्धीये णं भंते ! सिद्धे नोभव . ? एवं चेव।
२२. एवं पुहत्तेण वि दोण्ह वि। [सु. २३-२८. जीव-चउवीसइदंडय-सिद्धेसु एगत्त-पुहत्तेणं जहाजोगं
सण्णिआइभावं पडुच्च पढमत्त-अपढमत्तनिरूवणं] . २३. सण्णी णं भंते ! जीवे सण्णिभावेणं किं० पुच्छा। गोयमा ! नो पढमे, अपढमे।
२४. एवं विगलिंदियवजं जाव वेमाणिए ।
२०
Jain Education International
For Private & Personal Use Only
www.jainelibrary.org
