________________
सु०१८-३३] सरीराइनिब्वत्तेमाणे जीवे अहिगरणिआइनिरूवर्ण [सु. २९-३०. इंदियपंचगं निव्वत्तेमाणे जीवे अहिकरणि
अहिकरणनिरूवणं] २९. जीवे णं भंते ! सोतिंदियं निव्वत्तेमाणे किं अधिकरणी, अधिकरणं ? एवं जहेव ओरालियसरीरं तहेव सोइंदियं पि भाणियव्वं । नवरं जस्स अत्यि सोर्तिदियं ।
३०. एवं चक्खिदिय-पाणिदिय-जिभिदिय-फासिंदियाणि वि, नवरं जाणियव्वं जस्स जं अत्थि।
[सु. ३१-३३. जोगतिगं निवत्तेमाणे जीवे आहिकरणि-अहिकरणनिरूषणं]
३१. जीवे णं भंते ! मणजोगं निव्वत्तेमाणे किं अधिकरणी, अधिकरणं ? एवं जहेव सोतिंदियं तहेव निरवसेसं।
३२. वइजोगो एवं चेव । नवरं एगिदियवजाणं । ३३. एवं कायजोगो वि, नवरं सव्वजीवाणं जाव वेमाणिए । सेवं भंते ! सेवं भंते ! ति।
॥ १६.१॥
[बीओ उद्देसओ 'जरा']
[सु. १. बिइउद्देसगस्सुवुग्धाओ] १. रायगिहे जाव एवं वदासि
[सु. २-७. जीव-चउवीसइदंडगेसु जरा-सोगनिरूपणं]
२. [१] जीवाणं भंते ! किं जरा, सोगे १ गोयमा ! जीवाणं जरा वि, सोगे वि।
[२] से केणद्वेणं भंते! जाव सोए वि? गोयमा! जे णं जीवा सारीरं वेयणं वेदेति तेसि णं जीवाणं जरा, जे णं जीवा माणसं वेदणं वेदेति तेसि णं . जीवाणं सोगे। सेतेणद्वेणं जाव सोगे वि।
३. एवं नेरइयाण वि।
Jain Education International
For Private & Personal Use Only
www.jainelibrary.org
