________________
सु० ९२-१०१] नियउवासयं अयंपुलं पइ गोसालगकयं समाहाणं ७२३
९७. तए णं तस्स अयंपुलस्स आजीविओवासगस्स अन्नदा कदाइ पुव्वरत्तावरत्तकालसमयंसि कुडुंबजागरियं जागरमाणस्स अयमेयारूवे अज्झथिए जाव समुप्पज्जित्था-किंसंठिया णं हल्ला पन्नत्ता ?।
९८. तए णं तस्स अयंपुलस्स आजीविओवासगस्स दोचं पि अयमयारूवे अज्झथिए जाव समुप्पजित्था-'एवं खलु ममं धम्मायरिए धम्मोवएसए गोसाले मंखलिपुत्ते उप्पन्ननाण-दंसणधरे जोव सव्वण्णू सव्वदरिसी इहेव सावत्थीए नगरीए हालाहलाए कुंभकारीए कुंभकाराँवणंसि आजीवियसंघसंपरिबुडे आजीवियसमएणं अप्पाणं भावेमाणे विहरति, तं सेयं खलु मे कलं जाव जलंते गोसालं मंखलिपुत्तं वंदित्ता जाव पजुवासेता, इमं एयारूवं वागरणं वागरित्तए' ति कुट्ट एवं संपेहेति, एवं सं० २ कलं जाव जलंते पहाए कय जाव अप्पमहग्घाभरणालंकियसरीरे सातो १० गिहाओ पडिनिक्खमइ, सातो० प० २ पादविहारचारेणं सावत्थिं नगरि मज्झंमज्झेणं जेणेव हालाहलाए कुंभकारीए कुंभकाराँवणे तेणेव उवागच्छति, ते० उ० २ पासति गोसालं मंखलिपुत्तं हालाहलाए कुंभकारीए कुंभकारोवणंसि अंबऊणगहत्थगयं जाव अंजलिकम्मं करेमाणं सीयलएणं मट्टिया जाव गायाइं परिसिंचाणं, पासित्ता लजिए विलिएँ विड्डे सणियं सणियं पचोसक्कइ ।
[सु. ९९-१०७. आजीवियथेरपडिसिद्धपच्चोसक्कणस्स अयंपुलस्स गोसालसमीषागमणं गोसालपरूवियसमाहाणस्स य सट्ठाणगमणं]
९९. तए णं ते आजीविया थेरा अयंपुलं आजीवियोवासगं लज्जियं जाव पच्चोसक्कमाणं पासंति, पा० २ एवं वदासि—एहि ताव अयंपुला ! इतो।
१००. तए णं से अयंपुले आजीवियोवासए आजीवियथेरेहिं एवं वुत्ते २० समाणे जेणेव आजीविया थेरा तेणेव उवागच्छइ, उवा० २ आजीविए थेरे वंदति नमंसति, वं० २ नच्चासन्ने जाव पजुवासति ।
१०१. 'अयंप्ल!' त्ति आजीविया थेरा अयंपुलं आजीवियोवासगं एवं १. "हल्ल त्ति गोवालिकातृणसमानाकारः कीटकविशेषः” अवृ०॥ २. “इह यावत्करणादिदं दृश्यम्-जिणे अरहा केवलीति" अवृ०॥ ३. रावयणसि जे. जं०॥ ४. रावयणे जे०जं०॥ ५. रावयणसि जे. जं०॥ ६. अंबऊणाह' जे०। अंबउणाह° ला ४। अंबतोणाह' जं० । अंबकूणग° मु०॥ ७. °माणं पासति, पासित्ता जं० विना॥ ८. “व्यलीकितः-सञ्जातव्यलीकः। विढे त्ति व्रीडा अस्यास्तीति वीडः, लजाप्रकर्षवानित्यर्थः, भूमार्थे अस्स्यर्थप्रत्ययोपादानात् " अवृ०॥ ९. पुला! इ ला ४। 'पुला ! यी जं०। बुला! ति ला १॥
Jain Education International
For Private & Personal Use Only
www.jainelibrary.org
