________________
७१९
सु०७२-८४] पडिहयनियतेएण गोसालगकयत्थणाइ मिच्छावादी १ तत्थ णं जे से अहप्पहाणे जणे से वदति-समणे भगवं महावीरे सम्मावादी, गोसाले मंखलिपुत्ते मिच्छावादी।
[सु. ८२-८३. नट्ठतेयं गोसालं पइ धम्मचोयणाइकरणथं भगवया निग्गंथगणपेसणं, निग्गंथगणस्स य गोसालसमक्खं धम्मचोयणाइ]
८२. 'अजो !' ति समणे भगवं महावीरे समणे निग्गंथे आमंतेत्ता एवं ५ वयासि-- अज्जो ! से जहानामए तणरासी ति वा कट्टरासी ति वा पत्तरासी ति वा तयारासी ति वा तुसरासी ति वा भुसरासी ति वा गोमयरासी ति वा अवकररासी ति वा अगणिझामिए अगणिझसिए अगणिपरिणामिए हयतेये गयतेये नट्टतेये भट्टतेये लुत्ततेए विणकृतेये जाए एवामेव गोसाले मंखलिपुत्ते ममं वहाए सरीरगंसि तेयं निसिरेत्ता हततेये गततेये जाव विणट्ठतेये जाए, तं छंदेणं अजो ! तुन्भे १० गोसालं मंखलिपुत्तं धम्मियाए पडिचोयणाए पडिचोदेह, धम्मियाए पडिचोयणाए पडिचोएत्ता धम्मियाए पडिसारणाए पडिसारेह, धम्मियाए पडिसारणाए पडिसारेत्ता धम्मिएणं पडोयारेणं पडोयारेह, धम्मिएणं पडोयारेणं पडोयारेत्ता अद्वेहि य हेतूहि य पसिणेहि य वागरणेहि य कारणेहि य निप्पट्ठपसिणवागरणं करेह ।
८३. तए णं ते समणा निग्गंथा समणेणं भगवया महावीरेणं एवं १५ वुत्ता समाणा समणं भगवं महावीरं वंदंति नमसंति, वं० २ जेणेव गोसाले मंखलिपुत्ते तेणेव उवागच्छंति, उवा० २ गोसालं मखलिपुत्तं धम्मियाए पडिचोदणाए पडिचोदेंति, ध० प० २ धम्मियाए पडिसारणाए पडिसारेंति, ध० प० २ धम्मिएणं पडोयारेणं पडोयारेंति, ध० प० २ अडेहि य हेऊहि य कारणेहि य जाव निप्पट्ठपसिणवागरणं करेंति।
[सु. ८४-८५. धम्मचोयगनिग्गंथगणविवरीयकरणे असमत्थं गोसालं विण्णाय
बहूणं आजीवयथेराणं भगवओ निस्साए विहरणं] ८४. तए णं से गोसाले मंखलिपुत्ते समणेहिं निग्गंथेहिं धम्मियाए पडिचोयणाए पडिचोइजमाणे जाव निप्पट्ठपसिणवागरणे कीरमाणे आसुरुत्ते जाव मिसिमिसेमाणे नो संचाएति समणाणं निग्गंथाणं सरीरगस्स किंचि आबाहं वा २५ वाबाहं वा उप्पाएत्तए, छविच्छेयं वा करेत्तए।
१. जाव वागरणं वागरेंति। जं.विना॥
Jain Education International
For Private & Personal Use Only
www.jainelibrary.org
