________________
सु० २३-४०]
मरणस्स भेय-पमेया
खेत्तावीचियमरणे' १ गोयमा ! जं णं नेरइया नेरइयखेत्ते वट्टमाणा जाई दव्वाइं नेरइयाउयत्ताए एवं जव दव्वावीचियमरणे तहेव खेत्तावीचियमरणे वि । ३०. एवं जाव भावावीचियमरणे ।
[सु. ३१-३५. ओहिमरणस्स भेय - पभेया तस्सरूवं च]
३१. ओहिमरणे णं भंते! कतिविधे पन्नत्ते ? गोयमा ! पंचविहे पन्नत्ते, तं जहा — दव्वोहिमरणे खेत्तोहिमरणे जाव भावोहिमरणे ।
३२. दव्वोहिमरणे णं भंते! कतिविधे पन्नत्ते ? गोयमा ! चउव्विहे पन्नत्ते, तं जहा - नेरइयदव्वोहिमरणे जाव देवदव्वोहिमरणे ।
३४. एवं तिरिक्खजोणिय ० मणुस्स० देवोहिमरणे वि ।
३५. एवं एएणं गमएणं खेत्तोहिमरणे वि, कालोहिमरणे वि, भवोहिमरणे वि, भावोहिमरणे वि ।
३३. से केणट्टेणं भंते! एवं वुच्चइ 'नरेइयदव्वो हिमरणे, नेरइयदव्वोहिमरणे ' १ गोयमा ! जं णं नेरइया नेरइयदव्वे वट्टमाणा जाईं दव्वाई संपयं मरंति, १० ते णं नेरइया ताईं दव्वाईं अणागते काले पुणो वि मरिस्संति । सेतेणद्वेणं गोयमा ! जाव दव्वोहिमरणे ।
[सु. ३६-४०. आतियंतियमरणस्स भेय पभेया तस्सरूवं च] ३६. आतियंतियमरणे णं भंते !० पुच्छा । गोयमा ! पंचविहे पन्नत्ते, तं जहा - दव्वातियंतियमरणे, खेत्तातियंतियमरणे, जाव भावातियंतियमरणे ।
३७. दव्वातियंतियमरणे णं भंते ! कतिविधे पन्नत्ते ? गोयमा ! चउव्विहे पन्नत्ते, तं जहा — नेरइयदव्वातियंतियमरणे जाव देवदव्वातियंतियमरणे ।
३८. से केणट्टेणं भंते ! एवं वुच्चति 'नेरइयदव्वातियंतियमरणे, नेरइयदव्वातियंतियमरणे ' १ गोयमा ! जं णं नेरइया नेरइयदव्वे वट्टमाणा जाईं दव्वाइं संपतं मरंति, जेणं नेरइया ताई दव्वाई अणागते काले नो पुणो वि मरिस्संति । सेतेणद्वेणं जाव मरणे ।
३९. एवं तिरिक्ख० मणुस्स० देव० ।
४०. एवं खेत्तातियंतियमरणे वि, जाव भावातियंतियमरणे वि ।
Jain Education International
६५१
For Private & Personal Use Only
५.
१५
२०
२५
www.jainelibrary.org
