________________
६४२ वियाहपण्णत्तिसुत्तं
[स० १३ उ० ६ १२. तस्स णं उद्दायणस्स रन्नो पउमावती नामं देवी होत्था, सुकुमाल० वण्णओ।
१३. तस्स णं उद्दायणस्स रण्णो पभावती नामं देवी होत्था । वण्णओ, जाव विहरति।
१४. तस्स णं उद्दायणस्स रणो पुत्ते पभावतीए देवीए अत्तए अभीयी नाम कुमारे होत्था । सुकुमाल० जहा सिवभद्दे (स० ११ उ० ९ सु० ५) जाव पञ्चुवेक्खमाणे विहरइ ।
१५. तस्स णं उद्दायणस्स रण्णो नियए भाइणजे केसी नाम कुमारे होत्था, सुकुमाल० जाव सुरूवे । १० १६. से णं उद्दायणे राया सिंधूसोवीरप्पामोक्खाणं सोलसण्हं
जणवयाणं, वीतीभयप्पामोक्खाणं तिण्हं तेसट्ठीणं नगरागरसयाणं, महसेणप्पामोक्खाणं दसण्हं रोईणं बद्धमउडाणं विदिण्णछत्त-चामर-वालवीयणीणं, अन्नेसिं च बहूणं रॉईसर-तलवर जाव सत्थवाहप्पभितीणं आहेवच्चं पोरेवचं जाव कारेमाणे पालेमाणे समणोवासए अभिगयजीवाजीवे जाव विहरति ।
१५ [सु. १७-१८. पोसहसालाए पोसहियस्स उद्दायणस्स रण्णो
__ भगवंतमहावीरवंदणाइअज्झवसाओ] १७. तए णं से उद्दायणे राया अन्नदा कदायि जेणेव पोसहसाला तेणेव उवागच्छति, जहा संखे (स० १२ उ० १ सु० १२) जाव विहरति ।
१८. तए णं तस्स उद्दायणस्य रणो पुव्वरत्तावरत्तकालसमयंसि २० धम्मजागरियं जागरमाणस्स अयमेयारूवे अज्झथिए जाव समुप्पज्जित्था-"धन्ना
णं ते गामाऽऽगर-नगर-खेड-कब्बड-मडंब-दोणमुह-पट्टणा-ऽऽसम-संवाह-सन्निवेसा जत्थ णं समणे भगवं महावीरे विहरति, धन्ना णं ते राईसर-तलवर जाव सत्थवाहपंभितयो जे णं समणं भगवं महावीरं वंदंति नमसंति जाव पजुवासंति। जति णं समणे भगवं महावीरे पुव्वाणुपुद्वि चरमाणे गामाणुगामं जाव विहरमाणे इहमाग१. <> एतचिह्नद्वयान्तर्गतः सूत्रपाठो मुद्रिते नास्ति ॥ २. भायणेजे ला १ जं०॥ ३. नगरसयाणं. अवृपा० ॥ ४. रातीणं जे०॥ ५. रातीसर° जे०॥ ६. पभिइमो ला ४ मु०॥
Jain Education International
For Private & Personal Use Only
www.jainelibrary.org
