________________
सु०२-११] दवियाय-कसायायाईणं अट्टण्हं आयाणं वत्तव्वया
५. जहा दवियायाए वत्तव्वया भणिया तहा उवयोगायाए वि उवरिल्लाहिं समं भणियन्वा।
६. [१] जस्स नाणाया तस्स दंसणाया नियमं अत्थि, जस्स पुण दंसणाया तस्स णाणाया भयणाए ।
[२] जस्स नाणाया तस्स चरित्ताया सिय अस्थि सिय नत्थि, जस्स ५ पुण चरित्ताया तस्स नाणाया नियमं अत्थि ।
[३] णाणाया य वीरियाया य दो वि परोप्परं भयणाए।
७. जस्स दंसणाया तस्स उवरिमाओ दो वि भयणाए, जस्स पुण ताओ तस्स दंसणाया नियमं अत्थि।
८. जस्स चरित्ताया तस्स वीरियाया नियमं अस्थि, जस्स पुण वीरियाया १० तस्स चरित्ताया सिय अत्थि सिय नत्थि ।
[सु. ९. अट्टविहाणं आयाणं अप्पाबहुयं] ९. एयासि णं मंते! दवियायाणं कसायायाणं जाव वीरियायाण य कयरे कयरेहिंतो जाव विसेसाहिया वा ? गोयमा! सव्वत्थोवाओ चरित्तायाओ, नाणायाओ अणंतगुणाओ, कसायायाओ अणंतगुणाओ, जोगायाओ विसेसाहियाओ, १५ वीरियायाओ विसेसाहियाओ, उवयोग-दविय-दसणायाओ तिण्णि वि तुल्लाओ विसेसाहियाओ।
[सु. १०. नाणं पडुच्च आयसरूपनिरूपणं] १०. आया भंते ! नाणे, अन्ने नाणे १ गोयमा ! आया सिय नाणे, सिय अन्नाणे, णाणे पुण नियमं आया।
[सु. ११-१५. चउवीसइदंडएसु नाणं पडुच्च आयनिरूवणं]
११. आया भंते ! नेरइयाणं नाणे, अन्ने नेरइयाणं नाणे १ गोयमा ! आया नेरइयाणं सिय नाणे सिय अन्नाणे, नाणे पुण से नियमं आया। वाचनान्तरपाठनिरूपणमित्थमस्ति- “वाचनान्तरे पुनरिदमेवं दृश्यते ‘जस्स चरित्ताया तस्स जोगाया नियमं 'ति, तत्र च चारित्रस्य प्रत्युपेक्षणादिव्यापाररूपस्य विवक्षितत्वात् तस्य च योगाविनाभावित्वाद् 'यस्य चारित्रात्मा तस्य योगात्मा नियमात्' इत्युच्यते इति"॥ १. नाणे ? भन्नाणे ? गोयमा मु०॥
Jain Education International
For Private & Personal Use Only
www.jainelibrary.org
