________________
६०२
वियाहपण्णत्तिसुत्तं
[स० १२ उ०९ [नवमो उद्देसओ 'देव'] [सु. १. भघियदव्वदेवाइभेएणं देवाणं पंच भेया]
१. कतिविहा णं भंते ! देवा पन्नत्ता १ गोयमा ! पंचविहा देवा पन्नत्ता, तं जहा-भवियदव्वदेवा १ नरदेवा २ धम्मदेवा ३ देवातिदेवा ४ भावदेवा ५ ।
[सु. २-६. भवियदव्वदेवाइपंचविहदेवसरूवपरूवणं]
२. से केणटेणं भंते ! एवं वुञ्चति 'भवियदव्वदेवा, भवियदव्वदेवा' १ गोयमा ! जे भविए पंचेंदियतिरिक्खजोणिए वा मणुस्से वा देवेसु उववजित्तए, सेतेणटेणं गोयमा ! एवं वुच्चइ 'भवियदव्वदेवा, भवियदव्वदेवा' ।
३. से केणटेणं भंते ! एवं वुच्चइ 'नरदेवा, नरदेवा' १ गोयमा ! जे १० इमे रायाणो चाउरंतचक्कवट्टी उप्पन्नसमत्तचक्करयणप्पहाणा नवनिहिपतिणो समिद्ध
कोसा बत्तीसरायवरसहस्साणुयातमग्गा सागरवरमेहलाहिपतिणो मणुस्सिदा, सेतेणद्वेणं जाव 'नरदेवा, नरदेवा' ।
४. से केणद्वेणं भंते ! एवं वुच्चइ 'धम्मदेवा, धम्मदेवा' १ गोयमा ! जे इमे अणगारा भगवंतो रियासमिया जाव गुत्तबंभचारी, सेतेणद्वेणं जाव १५ ‘धम्मदेवा, धम्मदेवा'।
५. से केणद्वेणं भंते ! एवं वुच्चइ ‘देवातिदेवा, देवातिदेवा' १ गोयमा ! जे इमे अरहंता भगवंता उप्पन्ननाण-दंसणधरा जाव सव्वदरिसी, सेतेणटेणं जाव 'देवातिदेवा, देवातिदेवा' ।
६. से केणटेणं भंते ! एवं वुच्चइ ‘भावदेवा, भावदेवा' १ गोयमा ! जे २० इमे भवणवति-वाणमंतर-जोतिस-वेमाणिया देवा देवगतिनाम-गोयाई कम्माई वेदेति, सेतेणद्वेणं जाव 'भावदेवा, भावदेवा'।
[सु. ७-११. भघियदव्वदेवाइपंचविहदेवाणं उववायवत्तव्वया]
७. भवियदव्वदेवा णं भंते ! कओहिंतो उववजंति ? किं नेरइएहितो १. देवाधिदेवाला १। “देवाहिदेव त्ति क्वचिद् दृश्यते" अवृ०॥ २. "उप्पन्नसमत्तचक्करयणप्पहाण त्ति आर्षत्वाद् निर्देशस्य उत्पन्नं समस्तरत्नप्रधानं चक्रं येषां ते" अ० ॥ ३. ईरिया ला १ मु०॥ ४. °वाधिदेवा देवाधिदेवा ला ४ मु०॥ ५. देवाहिदेवा देवाहिदेवा ला ४ मु० ॥
Jain Education International
For Private & Personal Use Only
www.jainelibrary.org
