________________
६००
वियाहपण्णत्तिसुत्तं [स० १२ उ०८ [२] सव्वजीवा णं भंते ! इमस्स जीवस्स माइत्ताए जाव उववन्नपुव्वा ? हंता, गोयमा ! जाव अणंतखुत्तो।
२१. [१] अयं णं भंते ! जीवे सव्वजीवाणं अरित्ताए वेरियत्ताए पायत्ताए वहत्ताए पडिणीयत्ताए पंचामित्तत्ताए उववन्नपुव्वे ? हंता, गोयमा ! जाव अणंतखुत्तो।
[२] सव्वजीवा वि णं भंते !० एवं चेव ।
२२. [१] अयं णं भंते ! जीवे सव्वजीवाणं रायत्ताए जुगरायत्ताए जाव सत्थवाहत्ताए उववन्नपुव्वे १ हंता, गोयमा ! असइं जाव अणंतखुत्तो।
[२] सव्वजीवा पं० एवं चेव।
२३. [१] अयं णं भंते ! जीवे सव्वजीवाणं दासत्ताए पेसत्ताए भयग१० ताए भाइलत्ताए भोगपुरिसत्ताए सीसत्ताए वेसत्ताए उववन्नपुव्वे १ हंता, गोयमा ! जाव अणंतखुत्तो।
[२] एवं सव्वजीवा वि अणंतखुत्तो। सेवं भंते ! सेवं भंते ! ति जाव विहरति ।
॥ १२.७॥
२०
[अट्ठमो उद्देसओ 'नागे']
[सु. १. अट्ठमुद्देसस्सुवुग्धाओ] १. तेणं कालेणं तेणं समएणं जाव एवं वयासी[सु. २-४. महड्ढियदेवस्स नाग-मणि-रुक्खसु उववाओ,
सफलसेवत्तं, तयणंतरभवाओ य सिज्मणा] २. [१] देवे णं भंते! महड्डीए जाव महेसक्खे अणंतरं चयं चइत्ता बिसरीरेसु नांगेसु उववज्जेज्जा ? हंता, उववजेजा। १. मातित्ताए जे०॥ २. घातत्ताए जं० ला ४। घायकत्ताए मु०॥ ३. वहगत्ताए मु.॥ ४.“पञ्चामित्तत्ताए त्ति अमित्रसहायतया" अवृ०॥५. जुवराजे. जं. विना॥ ६. भियगत्ताए जे०। “भृतकतया" अवृ०॥ ७. भागिल्ल जं.। भाइलगत्ताए ला ४। “कृष्यादिलाभस्य भागग्राहकत्वेन" अवृ०। भातिल्ल जे०॥ ८. चई ला १॥ ९."बिसरीरेसु-द्वे शरीरे येषा ते द्विशरीराः तेषु, ये हि नागशरीरं त्यक्त्वा मनुष्यशरीरमवाप्य सेत्स्यन्ति ते द्विशरीराः" अवृ०॥ १०. "नागेषु-सर्पेषु हस्तिषु वा" अवृ०॥
Jain Education International
For Private & Personal Use Only
www.jainelibrary.org
