________________
सु०५-२०] जीवाणं सव्वगईसु अणंतसो उववायपरूवणं ५९९
१२. एवं जाव वणस्सतिकाइएसु।
१३. [१] अयं णं भंते ! जीवे असंखेजेसु बेंदियावाससयसहस्सेसु एगमेगसि बेंदियावासंसि पुढविकाइयत्ताए जाव वणस्सतिकाइयत्ताए बेंदियत्ताए उववन्नपुग्वे १ हंता, गोयमा ! जाव खुत्तो।
[२] सव्वजीवा वि णं० एवं चेव ।
१४. एवं जाव मणुस्सेसु। नवरं तेंदिएसु जाव वणस्सतिकाइयत्ताए तेंदियत्ताए, चउरिदिएसु चरिंदियत्ताए, पंचिंदियतिरिक्खजोणिएसु पंचिंदियतिरिक्खजोणियत्ताए, मणुस्सेसु मणुस्सत्ताए० सेसं जहा बेंदियाणं ।
१५. वाणमंतर-जोतिसिय-सोहम्मीसाणे[१ सु] य जहा असुर-कुमाराणं ।
१६. [१] अयं णं भंते ! जीवे सणंकुमारे कप्पे बारससु विमाणावास- १० सयसहस्सेसु एगमेगंसि वेमाणियावासंसि पुढविकाइयत्ताए० सेसं जहा असुरकुमाराणं जाव अणंतखुत्तो। नो चेव णं देवित्ताए ।
[२] एवं सव्वजीवा वि। १७. एवं जाव आणय-पाणएसु । एवं आरणचुएसु वि।
१८. अयं णं भंते! जीवे तिसु वि अट्ठारसुत्तरेसु गेवेजविमाणावासस- १५ एसु० एवं चेव।
१९. [१] अयं णं भंते ! जीवे पंचसु अणुत्तरविमाणेसु एगमेगंसि अणुत्तरविमाणंसि पुढवि० तहेव जाव अणंतखुत्तो, नो चेव णं देवत्ताए वा, देवित्ताए वा। [२] एवं सव्वजीवा वि।
२० [सु. २०-२३. जीव-सव्वजीवाणं मायाइ-सत्तुआइ-रायाइ-दासाइभावेहिं
अणंतसो उवषन्नपुव्वत्तपरूवणं] २०. [१] अयं णं भंते ! जीवे सव्वजीवाणं माइत्ताए पितित्ताए भाँइत्ताए भगिणित्ताए भजत्ताए पुत्तत्ताए धूयत्ताए सुण्हत्ताए उववन्नपुव्वे १ हंता, गोयमा ! असई अदुवा अणतखुत्तो। १. बेइंदिय ला ४ मु०॥ २. बेइंदिया ला १ ला ४॥ ३. मातित्ताए जे०॥ ४. भातित्ताए जे०। भायत्ताए ला ४॥ ५. भसतिं ला १॥
Jain Education International
For Private & Personal Use Only
www.jainelibrary.org
