________________
सु० २९, १-६] सुदंसणसेटिल्स भगवंतसमीवागमणं ५३३ गोयमा ! सव्वत्थोवा लोगस्स एगम्मि आगासपदेसे जहन्नपदे जीवपदेसा, सव्वजीवा असंखेजगुणा, उक्कोसपदे जीवपदेसा विसेसाहिया।
सेवं भंते ! सेवं भंते ति।
॥११.१०॥
[एक्कारसो उद्देसओ 'काल'] [सु. १-६. वाणियग्गामवत्थव्वसुदंसणसेट्ठिधम्माराहगत्तनिदेसपुव्वं
एगारसुद्देसस्सुबुग्धाओ] १. तेणं कालेणं तेणं समएणं वाणियग्गामे नामं नगरे होत्था, वण्णओ। दूतिपलासए चेतिए, वण्णओ जाव पुढविसिलावट्टओ।
२. तत्थ णं वाणियग्गामे नगरे सुदंसणे नामं सेट्ठी परिवसति अड्ढे जाव १० अपरिभूते समणोवासए अभिगयजीवाजीवे जाव विहरइ ।
३. सामी समोसढे जाव परिसा पजुवासति ।
४.. तए णं से सुदंसणे सेट्ठी इमीसे कहाए लद्धढे समाणे हट्टतुट्टे प्रहाते कय जाव पायच्छित्ते सव्वालंकारविभूसिए सातो गिहाओ पडिनिक्खमति, सातो गिहाओ प० २ सकोरेंटेंमल्लदामेणं छत्तेणं धरिजमाणेणं पायविहारचारेणं महया १५ पुरिसवग्गुरापरिक्खित्ते वाणियग्गामं नगरं मज्झंमज्झेणं निग्गच्छति, निग्गच्छित्ता जेणेव दतिपलासए चेतिए जेणेव समणे भगवं महावीरे तेणेव उवागच्छइ, ते. उ० २ समणं भगवं महावीरं पंचविहेणं अभिगमेणं अभिगच्छति, तं जहासचित्ताणं दव्वाणं जहा उसभदत्तो (स० ९ उ० ३३ सु० ११) जाव तिविहाए पजुवासणाए पजुवासति ।
५. तए णं समणे भगवं महावीरे सुदंसणस्स सेट्ठिस्स तीसे य महतिमहालियाए जाव आराहए भवति ।
६. तए णं से सुदंसणे सेट्ठी समणस्स भगवओ महावीरस्स अंतियं धम्म सोचा निसम्म हट्टतुट्ठ० उठाए उद्वेति, उ० २ समणं भगवं महावीरं तिक्खुत्तो जाव नमंसित्ता एवं वदासीवि. २/४
२५
Jain Education International
For Private & Personal Use Only
www.jainelibrary.org
