________________
५२४
वियाहपण्णत्तिसुत्तं [स० ११ उ०९ [सु. २२-२६. दीव-समुद्ददव्येसु वण्ण-गंध-रस-फासपरूवणा]
२२.' अस्थि णं भंते ! जंबुद्दीवे दीवे दव्वाइं सवण्णाई पि अवण्णाई पि, सगंधाई पि अगंधाइं, पि सरसाइं पि अरसाइं पि, सफासाई पि अफासाइं पि, अन्नमन्नबद्धाइं अन्नमन्नपुट्ठाइं जावं घडत्ताए चिट्ठति ? हंता, अस्थि ।
२३. अत्थि णं भंते ! लवणसमुद्दे दव्वाइं सवण्णाई पि अवण्णाई पि, सगंधाई पि अगंधाई पि, सरसाइं पि अरसाई पि, सफासाई पि अफासाइं पि, अन्नमन्नबद्धाइं अन्नमन्नपुट्ठाई जाव घडताए चिट्ठति ? हंता, अस्थि।
२४. अत्थि णं भंते ! धातइसंडे दीवे दव्वाइं सवन्नाइं पि० एवं चेव । २५. एवं जाव सयंभुरमणसमुद्दे जाव हंता, अस्थि ।
२६. तए णं सा महतिमहालिया महच्चपरिसा समणस्स भगवओ महावीरस्स अंतियं एयमढं सोचा निसम्म हट्टतुट्ठ० समणं भगवं महावीरं वंदति नमंसति, वं० २ जामेव दिसं पाउब्भूता तामेव दिसं पडिगया।
[सु. २७-२९. दीव-समुद्दविसए भगवओ परूवणाए सपणाणंतरं
सिवरायरिसिणो विभंगनाणविलओ] २७. तए णं हत्थिणापुरे नगरे सिंघाडग जाव पहेसु बहुजणो अन्नमन्नस्स एवमाइक्खइ जाव परूवेइ-"जं णं देवाणुप्पिया ! सिवे रायरिसी एवमाइक्खइ जाव परूवेइ-अत्थि णं देवाणुप्पिया ! ममं अतिसेसे नाण जाव समुद्दा य, तं नो इणढे समढे। समणे भगवं महावीरे एवमाइक्खइ जाव परूवेइ ‘एवं खलु एयस्स सिवस्स रायरिसिस्स छटुंछट्ठणं तं चेव जाव भंडनिक्खेवं करेति, भंड. क० २ हत्थिणापुरे नगरे सिंघाडग जाव समुद्दा य। तए णं तस्स सिवस्स रायरिसिस्स अंतियं एयमढे सोचा निसम्म जाव समुद्दा य, तं णं मिच्छा'। समणे भगवं महावीरे एवमाइक्खति-एवं खलु जंबुद्दीवाईया दीवा लवणाईया समुद्दा तं चेव जाव असंखेजा दीव-समुद्दा पण्णत्ता समणाउसो!"।
१. नास्तीदं सूत्रं ला १ ला ४ प्रत्योः॥ २. “ सवण्णाई पि त्ति पुद्गलद्रव्याणि" अवृ०॥ ३. “अवण्णाई पि त्ति धर्मास्तिकायादीनि" अवृ०॥ ४. “यावत्करणादिदमेवं दृश्यम्अन्नमनबद्धपुट्ठाइं अन्नमन्नघडत्ताए चिट्ठति" अधृ०॥ ५. अंतिए ला ४ ॥ ६. तिणटे ला ४ ॥
Jain Education International
For Private & Personal Use Only
www.jainelibrary.org
