________________
४९७
सु० ९-१४] धरणिंदाइ-अच्चुयदेविंदतायत्तीसगाणं सासयत्तपरूवणं [सु. १३-१४. सणंकुमाराइअचुयपजंततायत्तीसगदेवाणं
अव्वोच्छित्तिनयट्टयाए सासयत्तं] १३. [१] अस्थि णं भंते ! सणंकुमारस्स देविंदस्स देवरण्णो० पुच्छा। हंता, अत्थि।
[२] से केणटेणं० ? जहा धरणस्स तहेव । १४. एवं जाव पाणतस्स । एवं अचुतस्स जाव अन्ने उववजंति । सेवं भंते ! सेवं भंते ! ति।
॥ दसमस्स चउत्थो ॥१०.४॥
[पंचमो उद्देसओ 'देवी']
[सु. १-३. पंचमुद्देसस्सुवुग्घाओ] १. तेणं कालेणं तेणं समएणं रायगिहे नामं नगरे गुणसिलए चेइए जाव परिसा पडिगया।
२. तेणं कालेणं तेणं समएणं समणस्स भगवओ महावीरस्स बहवे अंतेवासी थेरा भगवंतो जाइसंपन्ना जहा अट्ठमे सए सत्तमुद्देसए (स०८ उ०७ सु० ३) जाव विहरति ।
३. तए णं ते थेरा भगवंतो जायसड्ढा जायसंसया जहा गोयमसामी जाव पजुवासमाणा एवं वंदासी
[सु. ४. चमरऽग्गमहिसीणं अग्गमहिसिपरिवारदेवीणं च संखाइपरूवणं]
४. चमरस्स णं भंते ! असुरिंदस्स असुरकुमाररण्णो कति अग्गमहिसीओ पन्नताओ ? अजो ! पंच अग्गमहिसीओ पन्नत्ताओ, तं जहा-काली रायी रयणी २० विजू मेहा । तत्थ णं एगमेगाए देवीए अट्ठ देवीसहस्सा परिवारो पन्नत्तो। पभू णं ताओ एगमेगा देवी अन्नाई अट्ठऽट्ठ देवीसहस्साई परियारं विउन्वित्तए। एवामेव सपुव्वावरेणं चत्तालीसं देवीसहस्सा, से तं तुडिए। १. वदासि ला १॥ २. पभू गं भंते ! ताओ मु०॥ ३. “तुडिए त्ति तुडिकं नाम वर्ग:" अवृ०॥
Jain Education International
For Private & Personal Use Only
www.jainelibrary.org
