________________
४९६
१०
१५
२०
विवाहपण्णत्तिसुतं
[स० १० उ० ४
[सु. ९-१०. धरणिंदाइमहाघोस पअंतता यत्तीसगदेवाणं अव्वोच्छित्तिनयट्टयाए सासयत्तं ]
९. [१] अस्थि णं भंते! धरणस्स नागकुमारिदस्स नागकुमाररण्णो तावत्ती सगा देवा, तीवत्तीसगा देवा ? हंता, अत्थि ।
[२] से केणेणं जाव तीवत्तीसगा देवा, तावत्तीसगा देवा ? गोयमा ! धरणस्स नागकुमारिंदस्स नागकुमाररण्णो तावत्तीसगाणं देवाणं सासए नामधेज्जे पण्णत्ते, जं न कदायि नासी, जाव अन्ने चयंति, अन्ने उववज्जंति ।
१०. एवं भूयानंदस्स वि । एवं जाव महाघोसस्स ।
[सु. ११ - १२. सकीसाणताय त्तीसगदेवाणं अव्वोच्छित्तिनयट्टयाए सासयत्तं ] ११. [१] अत्थि णं भंते ! सक्कस्स देविंदस्स देवरणो० पुच्छा | हंता, अत्थि ।
[२] से केणट्ठे जाव तीवत्तीसगा देवा, तावत्तीसगा देवा १ एवं खलु गोयमा ! तेणं कालेणं तेणं समएणं इहेव जंबुद्दीवे दीवे भारहे वासे वोलाए नामं सन्निवेसे होत्था । वण्णओ । तत्थ णं वोलाए सन्निवेसे तावत्तीसं सहाया गाहावती समणोवासगा जहा चमरस्स जाव विहरंति । तए णं ते तीवत्तीसं सहाया गाहावती समणोवासगापुव्विपि पच्छा वि उग्गा उग्गविहारी संविग्गा संविग्गविहारी बहूइं वासाईं समणोवासगपरियागं पाउणित्ता मासियाए संलेहणाए अत्ताणं झूसेंति, झू० २ सर्द्वि भत्ताई अणसणाए छेदेंति, छे० २ औलोइयपडिक्कंता समाहिपत्ता कालमासे कालं किच्चा जाव उववन्ना । चँप्पभितिं च णं भंते! ते वाँलागा तोक्त्तीसं सहाया गाहावती समणोवासगा सेसं जहा चमरस्स जाव अन्ने उववज्जंति ।
१२. अस्थि णं भंते ! ईसाणस्स० । एवं जहा सक्कस्स, नवरं चंपाए नगरीए जाव उववन्ना । जंप्पभितिं च णं भंते ! चंपिचा तीवत्तीसं सहाया ० सेसं तं चैव जाव अन्ने उववजंति ।
१. तायत्त मु० ॥ २. पालिए ला १ । पालासए मु० । पलासए प्रत्य० ॥ ३. वालोए ला १ । पालासए मु० ॥ ४. वा जे० ॥ ५. भालोतिय' ला ४ ॥ ६. जप्यभिं च ला ४ ॥ ७. पालागा ला १ । पालासिगा मु० । बालगा प्रत्य० ॥ ८. जप्पभिं च ला ४॥ ९. चंपिज्जा मु० प्रत्यन्तरे च ॥ १०. तायत्ती मु० ॥
Jain Education International
For Private & Personal Use Only
www.jainelibrary.org
