________________
सु० ६]
चउवीसदंडगे ठिहपभुइवियारो . गोयमा ! फासिंदियवेमायत्ताए भुजो भुजो परिणमंति। सेसं जहा नेरइयाणं जीव चलियं कम्मं निजरेंति, नो अचलियं कम्मं निजरेंति।
[१३-१६] एवं जावे वर्णस्सइकाइयाणं। नवरं ठिती वण्णेयव्वा जा जस्स, उस्सासो वेमायाए।
[१७.१] बेइंदियाणं ठिई भाणियव्वा । ऊसासो वेमायाए। ५
[१७.२] बेइंदियाणं आहारे पुच्छा। अणाभोगनिव्वत्तिओ तहेव। तत्थ णं जे से आभोगनिवत्तिए से णं असंखेजसमइए अंतोमुहुत्तिए वेमायाए आहारट्टे समुप्पजइ। सेसं तहेव जाव अणंतभागं आसायंति।।
[१७.३] बेइंदिया णं भंते ! जे पोग्गले आहारत्ताए गेण्हंति ते किं सव्वे आहारेंति ? नो सव्वे आहारेंति ? गोयमा ! बेइंदियाणं दुविहे आहारे १० पण्णत्ते। तं जहा-लोमाहारे पंक्खेवाहोरे य। जे पोग्गले लोमाहारत्ताए गिण्हंति ते सव्वे अपरिसेसिए आहारेंति। जे पोग्गले पक्खेवाहारत्ताए गिण्हंति तेसिं णं पोग्गलाणं असंखिजभागं आहारेंति', अणेगाइं च णं भागसहस्साई अणासाइजमाणाइं अफासाइजमाणाइं विद्धंसमागच्छंति।
[१७.४] एतेसिं णं भंते ! पोग्गलाणं अणासाइजमाणाणं अफासाइज- १५ माणाण य कयरे कयरेहिंतो अप्पा वा ४१ गोयमा! सर्वत्थोवा पुग्गला अणासाइज्जमाणा, अफासाइजमाणा अणंतगुणा।
[१७.५] बेइंदिया णं भंते ! जे पोग्गले आहारत्ताए गिण्हंति ते णं तेसिं पुग्गला कीसत्ताए भुजो भुजो परिणमंति ? गोयमा ! जिभिंदिय-फासिंदियवेमायत्ताए भुजो भुजो परिणमंति।
[१७.६] बेइंदियाणं भंते ! पुव्वाहारिया पुग्गला परिणया तहेव जावे । चलिय कम्मं निजरंति।
१. जाव नो अचलियं लों० ला २-४ ॥ २. 'जाव' पदेन अप्-वायु-तेजस्कायिकाः॥ ३ वणप्फतिका ला २॥ ४. जसामइए लो० ॥ ५. आसादेति लों०॥ ६. ति? बेइंदि लों०॥ ७. हारए पलों०॥ ८. पक्खेप्पाहारे ला २॥ ९. हारए य लों०॥ १०. °ति णेगाई ला २॥ ११. मावजंति लों० ला २-४॥ १२. कयरे कयरे अप्पा वा ४ ला २-४॥ १३. अनेन अङ्केन 'बहुआ वा तुला वा विसेसाहिया वा' इति योज्यम् ॥ १४. ध्वत्थेवा ला २॥ १५. जाव अचलियं लों० । अत्र 'जाव' पदेन ६ [१-४] तः ६ [१-१०] पर्यन्तः सूत्रपाठः द्रष्टव्यः ॥
Jain Education International
For Private & Personal Use Only
www.jainelibrary.org
