Page Text
________________
३०८
वियाहपण्णन्तिसुतं
[स० ७ उ०९
समाणा कालमासे कालं किच्चा अन्नयरेसु देवलोएसु देवत्ताए उववत्तारो भवंति । से कहमेतं भंते ! एवं ? गोयमा ! जं णं से बहुजणे अन्नमन्नस्स एवमाइक्खति जाव उववत्तारो भवंति, जे ते एवमाहंसु मिच्छं ते एवमाहंसु, अहं पुण गोयमा ! एवमाइक्खामि जाव परूवेमि—
" [२] एवं खलु गोयमा ! तेणं कालेणं तेणं समएणं वेसाली नामं नगरी होत्था । वण्णओ । तत्थ णं वेसालीए णगरीए वरुणे नामं णागनत्तुए परिवसति अड्ढे जाव अपरिभूते समणोवासए अभिगतजीवाजीवे जाव पॅडिलामेमाणे छट्ठछणं अणिक्खित्तेणं तवोकम्मेणं अप्पाणं भावेमाणे विहरति ।
" [३] तए णं से वरुणे जागनतुए अन्नया कैंयाई रायाभिओगेणं १० गणाभिओगेणं बलाभिओगेणं रहमुसले संगामे आणत्ते समाणे छट्टभत्तिए, अट्टम - भत्तं अणुवट्टेति, अट्ठमभत्तं अणुवट्टेत्ता कोडुंबियपुरि से सद्दावेति, सद्दावेत्ता एवं वदासी - खिप्पामेव भो ! देवाणुप्पिया ! चातुग्घंटं आसरहं जुत्तामेव उवट्टावेह हय-गय-रहृपवर जाव सन्नाहेत्ता मम एतमाणत्तियं पञ्चप्पिह |
" [४] तए णं ते कोडुंबियपुरिसा जाव पडिसुणेत्ता खिप्पामेव सच्छत्तं १५ सज्झयं जाव उवट्ठावेंति, हय-गय-रह जाव सन्नाहेंति, सन्नाहित्ता जेणेव वरुणे नागनतु जाव पञ्चप्पिणंति ।
१. "जं णं से बहुजणो अन्नमन्नस्स एवं आइक्खर इत्यत्र एकवचनप्रक्रमे 'जे ते एवमाहंसु ' इत्यत्र यो बहुवचननिर्देशः स व्यक्त्यपेक्षः अवसेयः । " अ० ॥ २. अधुना ' वसाडपट्टी 'नाम्ना प्रसिद्धः लघुग्रामः यः पटणानगरात् गङ्गामुत्तीर्थ मुजफ्फरपुरं गत्वा ततः मोटरबसद्वारा गन्तुं शक्यः स च ' वैशालिक ' इत्यपरनामधारिणः भगवतो वीरवर्धमानस्य वास्तविकतया जन्मभूमिरूपः । तत्र च अधुना ' अहिंसा विद्यापीठ' नाम्नी प्रसिद्धा संस्था विद्यते ॥ ३ ' जाव' पदेनात्र 'दित्ते वित्थिण्णविपुलभवण-सयणासण जाण - वाहणे बहुधण - बहुजायरूव-रयए विच्छड्डिय विपुलभत्त-पाणे बहुदासी दास - गो-महिस - गवेल गप्पभूए बहुजणस्स' इत्यनुसन्धेयम् ॥ 8. " यावत्करणात् 'उवलद्धपुण्ण-पावे आसव-संवर- निज्जर-किरियाहिकरण- बंध मोक्खकुसले असहेज्जे, देवासुर-नागसुवण्ण-जक्ख-रक्खसकिन्नर - किंपुरिस- गरुल- गंधव्व-महोरगादीएहि देवगणेहिं निग्गंथाओ पावयणाओ अतिकमणिज्जे, निग्गंथे पावयणे निस्संकिए निक्कंखिए निव्वितिगिच्छे, लट्ठे गहियट्ठे पुच्छियट्ठे अभिगयट्ठे विणिच्छियट्ठे अट्ठिमिंजपेम्माणुरागरत्ते अयं आउओ ! निग्गंथे पावयणे अट्ठे अयं परमट्ठे सेसे अट्ठे ऊसियफलिहे अवंगुयदुवारे चियत्तं तेउरघरप्पवेसे बहूहिं सीलव्वयगुणवेरमणपच्चक्खाणपोसहोववासेहिं चा उद्दसमुद्दिपुण्णमासिणीसु पडिपुण्णं पोसहं सम्मं अणुपालेमाणे" इत्यादि ज्ञेयम् । सम्पादकः ॥ ५. "( 'पडिलामेमाणे त्ति इदं च 'समणे निग्गंथे फासुएणं एसणिज्जेणं असणपाण-खाइम- साइमेणं वत्थ - पडिग्गह - कंबल - रओहरणेण पीठ-फलग-सेजा- संथारएण पडिला मेमाणे विहरइ' इत्येवं दृश्यम् । अवृ० ॥ ६. कदायी रा° ला १ । ७. उवटुवेंति ला १ ॥
Jain Education International
For Private & Personal Use Only
www.jainelibrary.org
| SR No. | 001018 |
| Book Title | Agam 05 Ang 05 Bhagvati Vyakhya Prajnapti Sutra Part 01 |
| Original Sutra Author | N/A |
| Author | Bechardas Doshi, Amrutlal Bhojak |
| Publisher | Mahavir Jain Vidyalay |
| Publication Year | 1974 |
| Total Pages | 548 |
| Language | Prakrit |
| Classification | Book_Devnagari, Agam, Canon, Philosophy, & agam_bhagwati |
| File Size | 9 MB |