________________
सु० १९-२०, १] सुपञ्चक्खाय-दुपञ्चक्खायसरूवं
२७९ चत्तदेहं जीवविप्पजढं अकयमकारियमसंकप्पियमणाहूतमकीतकडमणुद्दिढे नवकोडीपरिसुद्धं दसदोसविप्पमुक्कं उग्गम-उप्पायणेसणासुपरिसुद्धं वीतिंगालं वीतधूमं संजोयणादोसविप्पमुक्कं असुरसुरं अचवचवं अदुतमविलंबितं अपरिसाडिं अक्खोवंजण-वणाणुलेवणभूतं संयमजातामायावत्तियं संजमभारवहणट्ठयाए बिलमिव पन्नगभूएणं अप्पाणेणं आहारमाहारेति; एस णं गोतमा ! सत्थातीतस्स सत्थपरि- ५ णामितस्स जाव पाण-भोयणस्स अट्टे पन्नते। सेवं भंते ! सेवं भंते ! तिः ।
सत्तमसए पढमो उद्देसो समत्तो॥७.१॥
१०
[बीओ उद्देसो ‘विरति'] [सु. १. सुपच्चक्खाय-दुपच्चक्खायसरूवं] १. [१] से नूणं भंते ! सव्वपाणेहिं सव्वभूतेहिं सव्वजीवहिं सव्वसत्तेहिं 'पञ्चक्खाय' इति वदमाणस्स सुपच्चक्खायं भवति ? दुपच्चक्खायं भवति ? गोतमा! सव्वपाणेहिं जाव सव्वसत्तेहिं 'पच्चक्खायं' इति वदमाणस्स सिय सुपच्चक्खातं भवति, सिय दुपच्चक्खातं भवति ।
[२] से केपट्टेणं भंते ! एवं वुच्चइ 'सव्वपाणेहिं जाव सिय दुपच्चक्खातं १५ भवति ? ' गोतमा! जस्स णं सबपाणेहिं जाव सव्वसत्तेहिं 'पच्चक्खाय' इति वदमाणस्स णो एवं अभिसमन्नागतं भवति 'इमे जीवा, इमे अंजीवा, इमे तसा, इमे थावरा' तस्स णं सव्वपाणेहिं जाव सव्वसत्तेहिं 'पच्चक्खायं' इति वदमाणस्स नो सुपच्चक्खायं भवति, दुपच्चक्खायं भवति। एवं खलु से दुपच्चक्खाई सव्वपाणेहिं जाव सव्वसत्तेहिं 'पञ्चक्खायं' इति वदमाणो नो सचं भासं भासति, मोसं २० भासं भासइ, एवं खलु से मुसावाती सव्वपाणेहिं जाव सव्वसत्तेहिं तिविहं तिविहेणं अस्संजयविरयपडिहयपच्चक्खायपावकम्मे सकिरिए असंवुडे एगंतदंडे एगंतबाले यावि भवति । जस्स णं सव्वपाणेहिं जाव सबसत्तेहिं 'पञ्चक्खायं' इति वदमाणस्स एवं अभिसमन्नागतं भवति 'इमे जीवा, इमे अजीवा, इमे तसा, इमे थावरा'
१. अयम? ला १ मु०॥ २. मस्स पढमो॥ ७.१ ॥ ला १॥ ३. अजीवा ला १॥ ४. °वादी ला १॥ ५. डे एगंतबाले या ला १॥
Jain Education International
For Private & Personal Use Only
www.jainelibrary.org
