________________
. वियाहपण्णत्तिसुत्तं
[स०३ उ०१ " [सु. ५३-५४. ईसाणिदस्स ठिति-अणंतरभषपरूषणा]
५३. ईसाणस्स णं भंते! देविंदस्स देवरण्णो केवतियं कालं ठिती पण्णत्ता ? गोयमा! सातिरेगाइं दो सागरोवमाइं ठिती पन्नत्ता ।
५४. ईसाणे णं भंते ! देविंदे देवराया ताओ देवलोगाओ आउखएणं ५ जाव कहिं गच्छिहिति ? कहिं उववज्जिहिति ? गो० ! महाविदेहे वासे सिज्झिहिति जाव अंतं काहिति। [सु. ५५-६१. सकीसाणाणं परोप्परं विमाणउच्चत्ताइ-पाउन्भष-पेच्छणा
संलाप-किच्चकरण-विषादनिवारणपरूवणा] ५५. [१] सक्कस्स णं भंते ! देविंदस्स देवरण्णो विमाणेहिंतो ईसाणस्स देविंदस्स देवरण्णो विमाणा ईसिं उच्चयरा चेव ईसिं उन्नयतरा चेव ? ईसाणस्स वा देविंदस्स देवरण्णो विमाणेहिंतो सक्कस्स देविंदस्स देवरण्णो विमाणा ईसिं नीययरा चेव ईसिं निण्णयरा चेव ? हंता, गोतमा! सक्कस्स तं चेव सव्वं नेयव्वं ।
[२] से केणटेणं ? गोयमा! से जहानामए करतले सिया देसे उच्चे देसे उन्नये, देसे णीए देसे निण्णे, से तेण?णं० ।
५६. [१] पभू णं भंते ! सक्के देविंदे देवराया ईसाणस्स देविंदस्स देवरण्णो अंतियं पाउन्भवित्तए ? हंता, पभू ।
[२] से णं भंते ! किं आढामीणे पभू , अणाढामीणे पभू? गोयमा ! आढामीणे पभू, नो अणाढामीणे पभू ।
५७. [१] पभू णं भंते ! ईसाणे देविंद देवराया सक्कस्स देविंदस्स २० देवरण्णो अंतियं पाउब्भवित्तए १ हंता, पभू।
[२] से भंते! किं आढामीणे पभू, अणाढामीणे पभू? गोयमा ! आढामीणे वि पभू, अणाढामीणे वि पभू।
५८. पभू णं भंते ! सक्के देविंदे देवराया ईसाणं देविंदं देवरायं सपक्खि सपडिदिसिं समभिलोएत्तए ? जहा पादुब्भवणा तहा दो वि आलावगा नेयव्वा ।
१. माणि लो० ॥ २. °क्खएणं कहि ला०॥ ३. णटेणं गोयमा! सक्कस्स देविंदस्स देवरण्णो जाव ईसिं निण्णतरा चेव। जेसं० मु०॥ ४. अंतिए ला०, अन्यत्रापि एवमेव पाठः॥ ५. से भंते ! लों० ला०॥ ६. माढामीणे पभू, नो अणाढामीणे पभू ला०॥
Jain Education International
For Private & Personal Use Only
www.jainelibrary.org
