________________
विवाह पण्णत्तिसुतं
[स०२ उ० १ विष्णू ति वत्तव्वं सिया, वेदा ति वत्तव्वं सिया - पाणे भूए जीवे सत्ते विण्णू वेदा ति वत्तव्वं सिया । से केणट्टेणं' भंते! पाणे त्ति वत्तव्वं सिया जाव वेदा ति वत्तव्वं सिया ? गोयमा ! जम्हा आणमइ वा पाणमइ वा उस्ससइ वा नीससइ वा तम्हा पाणे ति वत्तव्वं सिया । जम्हा भूते भवति भविस्सति य तम्हा भूए त्ति वत्तं सिया । जम्हा जीवे जीवइ जीवत्तं आउयं च कम्मं उवजीवइ तम्हा जीवे त्ति वत्तव्वं सिया । जैम्हा सत्ते सुभासुभेहिं कम्मेहिं तम्हा सत्ते त्ति वत्तव्वं सिया । जम्हा तित्त- कडु - कसायंबिल - महुरे रसे जाणइ तम्हा विष्णू ति वत्तव्वं सिया । जम्हा वेदे य सुह- दुक्खं तम्हा वेदा ति वत्तव्वं सिया । से तेणट्टेणं जाव पाणे त्ति वत्तव्वं सिया जाव वेदा ति वत्तव्वं सिया ।
५
७६
९. [१] मॅडाई णं भंते! नियंठे निरुद्धंभवे निरुद्धभवपवंचे जाव निट्ठियट्ठकरणिज्जे णो पुणरवि ईंत्तत्थं हव्वमागच्छति १ हंता, गोयमा ! मँडाई णं नियंठे जाव नो पुणरवि ईत्तत्थं हवमागच्छति ।
१५
[२] से णं भंते! किं ति वत्तव्त्रं सिया ? गोयमा ! सिद्धे त्ति वत्तव्वं सिया, बुद्धे त्ति वत्तव्वं सिया, मुत्ते त्ति वत्तव्यं ०, पांरंगए त्ति व०, परंपरगए त्ति व०, सिद्धे बुद्धे मुत्ते परिनिव्वुडे अंतकडे सव्वदुक्खप्पहीणे त्ति वत्तव्वं सिया । सेवं भंते! सेवं भंते ! त्ति भगवं गोयेंमे समणं भगवं महावीरं वंदइ नमंसइ, २ संजमेणं तवसा अप्पाणं भावेमाणे विहरति ।
[ सु. १०. भगवओ महावीरस्स रायगिहाओ बिहारो ]
१०. तए णं समणे भगवं महावीरे रायगिहाओ नगराओ गुणसिलाओ २० चेइयाओ पडिनिक्खमइ, पडिनिक्खमित्ता बहिया जणवयविहारं विहरइ ।
[सु. ११ - ५४. खंदयपरिव्वायगवुत्तंतो]
[सु. ११. भगवओ महावीरस्स कथंगलानयरीए समोसरणं]
११. तेणं कालेणं तेणं समएणं कयंगला नामं नगरी होत्था । वण्णओ । तीसे णं कयंगलाए नगरीए बहिया उत्तरपुरत्थि मे दिसीभागे छत्तपलासए नामं
१. णं पाणे लों० ॥ २. जम्हा सुभासुमेहिं कामेहिं तम्हा ला० ॥ ३. विन्नत्ति ला० ॥ ४. सिया । वेदेति य लों० विना ॥ ५, ७. मडायी णं लों० ॥ ६, ८. इत्थत्तं ला० विना ॥ ९. पारए त्ति लों० ॥ १०. गोयमो लों० ॥। ११. महावीरे भन्नया कयाई पाडिहारियं पीढफलगसिज्जासंथारंगं पच्चप्पिण, २ राय लोंसं० ॥
Jain Education International
For Private & Personal Use Only
www.jainelibrary.org
