________________
वियाहपण्णत्तिसुतं
[स०१ उ०८ [अट्ठमो उद्देसो ‘बाले'] [सु. १-३. एगंतबाल-पंडित-बालपंडितमणुस्साणं आउयबंधपरूपणाई]
१. एंगंतबाले णं भंते ! मणुस्से किं नेरइयाउयं पकरेति ? तिरिक्खाउयं पकरेति ? मणुस्साउयं पकरेति ? देवाउयं पकरेति ? नेरइयाउयं किच्चा नेरइएसु ५ उववज्जति ? तिरियाउयं किच्चा तिरिएसु उववजइ ? मणुस्साउयं किच्चा
मणुस्सेसु उववज्जइ ? देवाउयं किच्चा देवलोगेसु उववज्जति ? गोयमा ! एगंतबाले णं मणुस्से नेरइयाउयं पि पकरेई, तिरियाउयं पि पकरेइ, मणुयाउयं पि पकरेइ, देवाउयं पि पकरेइ; णेरइयाउयं पि किच्चा नेरइएसु उववन्नति, तिरियाउयं पि किच्चा तिरिएसु उववजति, मणुस्साउयं पि किच्चा मणुस्सेसु उववज्जति, देवाउयं पि किच्चा देवेसु उववज्जति ।
२. एगंतपंडिए णं भंते ! मणुस्से किं नेरइयाउँयं पकरेइ १ जॉव देवाउयं किच्चा देवलोएसु उववज्जति ? गोयमा ! एगंतपंडिए णं मणुस्से आउयं सिय पकरेति, सिय नो पकरेति । जइ पकरेइ नो नेरइयाउंयं पकरेइ, नो
तिरियाउयं पकरेइ, नो मणुस्साउयं पकरेइ, देवाउयं पकरेइ । नो नेरइयाउयं १५ किच्चा नेरईएसु उववज्जइ, णो तिरि०, णो मणुस्सा०, देवाउयं किच्चा देवेसु
उववजति । से केणटेणे जाव देवाउयं किच्चा देवेसु उववजति ? गोयमा! एगंतपंडितस्स णं मैणुस्सस्स केवलमेव दो गतीओ पन्नायंति, तं जहा-अंतकिरिया चेव, कॅप्पोववत्तिया चेव । से तेणटेणं गोतमा! जीव देवाउयं किच्चा देवेसु उववजति ।
३. बालपंडिते णं भंते ! मैणुस्से किं नेरइताउदं पकरेति जाव देवाउयं
१. इतः पूर्व मुद्रितादर्शे "रायगिहे समोसरणं जाव एवं वयासी ।" इत्यधिकः सूत्रपाठो वर्तते, नोपलब्धश्चायं पाठोऽस्मदुपयुक्तसूत्रप्रतिषु, नापि च व्याख्यातो वृत्तौ ॥ २. मणूसे लो० ॥ ३. 'इ जाव देवाउयं पि पकरेइ । २. एगंतपं ला० ॥ ४. °उयं पि करेति० पुच्छा । गोयमा ! जं. ला १॥५. जाव देवाउयं पि पकरेइ एगंतपंडिए णं भंते ! मणुस्से किं नेरइयं जाव देवाउयं किच्चा देवलोएसु उववजति ? ला० ॥ ६. मणूसे लो० ॥ ७. पगरेइ, लो० ॥ ८. उयं पि पकरेइ, नो तिरि०, नो मणु०, देवाउयं पि पकरेइ । ला० ॥ ९. °इतेसूववजति ३ जं० ॥ १०. भंते ! एवं जाव देवेसु जं०॥ ११. मणूसस्स जं० लो० ॥ १२. केवलं दो गतीतो ५° जं०॥ १३. पण्णताओ। तं ला १॥ १४. कप्पविमाणोववत्तिया चेव जं०॥ १५. जाव देवेसु उववति जं० ॥ १६. मणूसे जं०॥
Jain Education International
For Private & Personal Use Only
www.jainelibrary.org
