________________
(१०) પ્રતિક્રમણ-વિધિદર્શક પ્રાચીન ગાથાઓ
(શ્રી હેમચંદ્રાચાર્યે યોગશાસ્ત્રના તૃતીય પ્રકાશના સ્વોપન્ન-વિવરણમાં ચિરંતનાચાર્યકૃત આ ગાથાઓ ઉદ્ધત કરેલી છે.).
"पंचविहायार-विसुद्धि-हेउमिह साहू सावगो वा वि । पडिक्कमणं सह गुरुणा, गुरु-विरहे कुणइ एक्को वि ॥ १ ॥ वंदित्तु चेइआई, दाउं चउराइए खमासमणे । भू-निहिअ-सिरो सयलाइआर-मिच्छोक्कडं देइ ॥ २ ॥ सामाइअ-पुव्वमिच्छामि-ठाइअं(मि) काउस्सग्गमिच्चाइ । सुत्तं भणिअ पलंबिअ-भुअ-कुप्पर-धरिअ-पहिरणओ ॥ ३ ॥ घोडगमाई-दोसेहिं, विरहिअं तो करेइ उस्सग्गं । नाहि-अहो-जाणुद्धं, चउरंगुल-ठिअ-कडिपट्टो ॥ ४ ॥ तत्थ य धरेइ हिअए जहक्कम दिण-कए अईआरे । पारेत्तु णमोक्कारेण, पढइ चउवीसथय-दंडं ॥ ५ ॥ संडासगे पमज्जिअ, उंवविसिअ अलग्ग-विअय-बाहुजुओ । मुहणंतगं च कायं च, पेहए पंचवीस इह ॥ ६ ॥ अट्ठिय ठिओ सविणयं, विहिणा गुरुणो करेइ किइकम्मं । बत्तीस-दोस-रहिअं, पणवीसावस्सग-विसुद्धं ॥ ७ ॥ अह सम्ममवणअंगो, करजुअ-विहि-धरिअ-पुत्ति-रयहरणो । परिचिंतिअ अइआरे, जहक्कमं गुरु-पुरो वियडे ॥ ८ ॥ अह उवविसित्तु सुत्तं, सामाइयमाइयं पढिअ पयओ । अब्भुट्ठिओ म्हि इच्चाइ, पढइ दुह उट्ठिओ विहिणा ॥ ९ ॥ दाऊण वंदणं तो, पणगाइसु जइसु खामए तिन्नि । किइकम्मं करे आयरिअमाइ-गाहा-तिगं पढइ ॥ १० ॥
Jain Education International
For Private & Personal Use Only
www.jainelibrary.org
